انجلترا كانت بتحارب مييين؟؟؟

بتحارب فرنسا

انجلترا كانت بتحارب ميييين؟؟؟؟؟

بتحارب فرنسا

"حوار دار بين امي و اختي اثناء المذاكرة استعدادا لامتحان تانية ثانوي"

يحرق ام انجلترا لام فرنسا

و لما يتنيلوا على عيين اللى جابوهم و يحاربوا بعض ، انا مال اهل اختى بالموضوع؟ انا اصلا اختى ماتعرفش ام انجلترا دي فييييين على الخريطة ، يقوموا يقولولها انجلترا و كمان فرنسا؟؟؟؟ ، اللى انا موش فاهمه ان العيال بتذاكر و تذاكر و بعد ما بتذاكر تذاكر ، و لما الامتحان يخلص كله بتمسح باستيكه ، تاريخ ، رياضه ، اي حاجة بتتمسح باستيكه ، كأننا بنتعلم عشان ناخد شهادة ، بلد شهادات صحيح ،و بعدين التاريخ ده وجهات نظر ، يعني فلان ده شايف ان اللى حصل اسمه فتح ، التاني شايف ان اسمه احتلال ، غيره بيقول عليه وحشية و هكذا ، طيب ليه يبقى فيه اصرار على ان الكتاب يقول رأي مؤرخ واحد للطلبه ، ليه مايسبش الطلبه تدور و تبحث و في الاخر الطالب هو اللى يحط رأيه..؟؟

عشان هما بهايم