Thursday, August 25, 2005
الحاج هتلر عبد السميع المتجلي

الكلام لجريدة الوفد:
تقدم للترشيح سيد أبوسعدة (يا سعدنا يا هنانا) ويقول عن نفسه انه عالم طبيعة كونية (والله أول مرة اسمع عن الحاجة كونية) وزعيم كامل الدسم (عشان الرفيعين اللي زيي) ورشح لجائزة نوبل 5 مرات (يحرق ميتيين أم نجيب محفوظ) وحكم عليه بالاعدام 6 مرات (كل مرة بيجيب واسطة لأونكل عشماوي) وتم اعتقاله 174 مرة (عجائب و طرائف) . كما قال انه الوحيد الذي نجح في تعديل نظرية النسبية لأينشتاين ( موش لاقي حاجة أقولها) ، وانه سبق زميله أحمد زويل في اختراع الفمتو ثانية ( و ميتيين أم أحمد زويل كمان) . ووجه تحذيرا مباشرا للرئيس مبارك من حدوث ثورة اذا لم يتم اختيار هتلر علي رأس الحكم في مصر ( فينك يا تشرشل تشوف هتلر أفندي و هو بيهدد مبارك) . كما تعهد بأن يصل سعر كيلو اللحمة الي 30 قرشا (أكيد هايحلل أكل كاوتش العربيات )

كان هذا أغرب مرشح للرئاسة ، بصراحة أحيانا أصدق ما يقال عن أننا شعب لا يستحق الديموقراطية ، اذا وافقت اللجنة على ترشيح مثل هذا الشخص أنا متأكد من مكسبه ، كذلك متأكد من الفيلم الكوميدي الطويل الذي سنقضيه معه لمدة طويلة ، طبعا هو لن يتنازل بسهولة عن الكرسي و يمكن يستنى عليه لحد ما يموت
يا ترى لو الحاج هتلر كان قبلوا ترشيحه ، و بعد كده كسب الانتخابات ، يا ترى كان هايعمل ايه؟؟
posted by ربيع @ 8/25/2005 09:30:00 AM  
1 Comments:
  • At 6:03 AM, Blogger واحدة وخلاص said…

    هههههههههههههههههههه
    ههههههههههههههههههههههههههه
    هههههههههههههههههههههههههه
    مش قادرة هخلص ضحك وارجع اعلق

     
Post a Comment
<< Home
 
 
عن شخصي المتعالي
مدونات
روابط
كتب
أخبار
Free Blogger Templates
© SprinG
eXTReMe Tracker