خبر عن واحد مسلم دخل كنيسة العدرا في الزيتون ، رامي اتكلم و طالب جار القمر بتغطية الموضوع ، المفروض يا رامي تكون عارف اللي بيحصل ، أيام الأعياد اللي زي دي بيظهر حرامية الكنايس ، حرامي داخل لغرض السرقة موش لغرض تاني ، عادة بيكون مسيحي عشان يدخل بسهولة ، و لو حد سأله عن بطاقتك يطلعها و ماحدش يعمله حاجه ، انما الغباء بقى ان حرامي مسم يدخل و في الوقت المكهرب ده ، الراجل داخل يسرق يا عيني و ياكل لقمة عيشة ، بيقلب رزقه ، خلي غباؤه ينفعه ، طبعا بعتوه القسم و في القسم تلاقي فيه واحد سرب الخبر للصحافة على أساس انه خبر طائفي (نوع جديد من الأخبار) ، النكتة ان الحرامي كان داخل عشان يسرق جزم ، يظهر عليه متعود على سرقة الجزم في الجوامع ، أو ان الناس اتفقعت منه في المنطقة فبقت بتروح الجوامع بالشباشب ، راح اخونا محول النشاط على الكنيسة.