Thursday, April 27, 2006
دهب ، بينك فلويد ، دارون ، دار القضاء العلي
كل ما الاقي المشاكل كترت و الدنيا مقفلة ، و البلد حالتها تحزن افتكر الأغنية دي بعد دهب و الناس اللي عماله تفجر نفسها عشان تموت انسان تاني ، و القاضي اللي قال لأ في وش الظالم ، و اللي بيتحاكم دلوقتي لأنه بيقول رأيه ، و المعتصمين اللي بيتبهدلوا و يترصلهم ميت عسكري عشان يقبضوا عليهم ، كان لازم افتكر ايكوز ، كنت زمان بفسرها تفسير عبيط على قد حالي ، كنت باحب بينك فلويد اوي ، و ما زلت ، و شايف دايما أن اغانيهم فيها معاني كتير ، فكر فيها و انت تلاقي ، طبعا ايكوز مليانه معاني كتير ، و بيتحكي عليها قصص و حواديت كتير جدا ، ابسطها العلاقة اللي بينها و بين اوديسا الفضاء 2001

ECHOES

Overhead the albatross hangs motionless upon the air
And deep beneath the rolling waves in labyrinths of coral caves
The echo of a distant tide
Comes willowing across the sand
And everything is green and submarine

كنا سمكة تحت الميه و عايزه تطلع لفوق ، زهقانة من كهوف المرجان و عايزه تطلع للنورس اللي فوق
انا فاكر الذكريات البعيده أوي لما كنا تحت الميه ، الدنيا خضرا ، و مالهاش معنى ،


And no-one showed us to the land
And no-one knows the where or whys
But something stirs and something tries
And starts to climb towards the light

السمكة اعتمدت على نفسها ، ماحدش دلها على الطريق ، ماكنتش عارفه ليه هي طالعة فوق ، ولا هاتلاقي ايه فوق ، بس حاولت و حاولت ان هي توصل للنور

Strangers passing in the street
By chance two separate glances meet
And I am you and what I see is me
And do I take you by the hand
And lead you through the land
And help me understand the best I can

و دلوقتي احنا متطورين ، بشر ماشيين في الدنيا ، كنا سمك و بقينا بشر ، دلوقتي ماحدش عارف حد ، غربا و موش عارفين بعض ، بس عارفين ان انا انت ، و ان اصلنا واحد ، ، يا ترى ممكن نتحد؟ يا ترى ممكن نفهم بعض؟ يا ترى ممكن نحاول نفهم اللي حوالينا؟

And no-one calls us to move on
And no-one forces down our eyes
And no-one speaks and no-one tries
And no-one flies around the sun

بس يا خسارة ، يظهر ان مافيش دافع تاني عشان نمشي ، بطلنا نفكر ، ماباقاش عندنا طموح ، بطلنا نحاول زي ما كنا بنحاول قبل كده ، زمان قلنا هانطلع للنور ، و قدرنا نطلع ، و عرفنا ان الشمس هي اللي بتبعت النور ، بس دلوقتي ماحدش بيفكر يوصل للشمس

Cloudless everyday you fall upon my waking eyes
Inviting and inciting me to rise
And through the window in the wall
Come streaming in on sunlight wings
A million bright ambassadors of morning

دلوقتي اتأكدت أننا اتقدمنا بمساعدة بعض ، و بتشجيع بعض ، و ان غربتنا دلوقتي هي اللي مأخرنا ، بقى نتطور كل ده؟ و نيجي دلوقتي نخسر بعض و نقف؟

And no-one sings me lullabies
And no-one makes me close my eyes
And so I throw the windows wide
And call to you across the sky

عارف؟ كل يوم و انا صاحي بافتكر طيفك ، لما كنت زمان بتساعدني و تحمسني عشان نتقدم مع بعض
ماحدش بيغني معايا خلاص ، ماحدش بيقللي غمض عينيك و انسى الحاضر و فكر في المستقبل ، عشان كده بنادي عليك كل يوم ، عايزك تيجي تساعدني تاني عشان اتقدم
posted by ربيع @ 4/27/2006 10:45:00 PM  
4 Comments:
  • At 2:56 AM, Blogger AG said…

    حلو يا ربيع. أنا قعدت سنتين أنام على إيكوز كل ليلة. الغريبة أني باقرا التدوينة وفلم أوديسيا الفضاء شغال في نفس الوقت.

     
  • At 12:02 PM, Blogger ربيع said…

    جميل
    الفيلم ده من اجمل الأفلام اللي شفتها في حياتي ، ادخل على
    imdb
    و اقرا المعلومات عن تفاصيل الفيلم ،متعه ما بعدها متعه

     
  • At 1:05 PM, Anonymous Anonymous said…

    الفيلم دا، هو و بينك فلويد، اعتبرهم من اكتشافاتي الشخصية المبكرة ال أعتز بها جدا.

     
  • At 1:32 AM, Anonymous Anonymous said…

    بقالى شهرين بدور على حته انزل منها بينك فلويد فهل حد يدلنى ؟

     
Post a Comment
<< Home
 
 
عن شخصي المتعالي
مدونات
روابط
كتب
أخبار
Free Blogger Templates
© SprinG
eXTReMe Tracker