Wednesday, June 14, 2006
هل تريد تنزيل و قراءة شيفرة داقنشي ؟ طز في وزير الجهل
اليوم صفحة طويلة عريضة في الأهرام تبين و توضح و تحلل و تمنطق منع عرض الفيلم و مصادرة الرواية في مصر ، فبناء على طلب المسيحيين في مصر (اشمعنى احنا؟) الذين ادعوا ان في الرواية تعدي على الدين المسيحي - و خطب كشك أصلها بتنقط عسل - و ان قد تثير فتنة طائفية بعيد عن السامعين ، فقد قرر وزير الثقافة العبيط منع الرواية و الفيلم ، و لأن العبيط عبيط من يومه ، و لو علقوا جرس في زلومه ، فقد اكتشف أخيرا أن الرواية موجوده في مكتبات مصر (شوف ازاي؟) و ان الفيلم كان هايدخل مصر بس ربنا ستر ، و لكن سيادته ركب حصانه ، و قرر منع الفيلم من دخول مصر ، اصل البلد مافيهاش دي اس ال ، كما قرر سيادته أن يقوم بحمله لاحراق نسخ الرواية ، عايز أعرف هايدخل فيرجين و يصادرها ازاي ، ولا ازاي هايلف على مكتبة مدبولي و يصادر النسخ اللي مستخبية جوه ، بس ربنا معاه ، وزير ثقافة يمنع فيلم و رواية ، امال وزير الجهل يعمل ايه؟
من ناحية اخرى فقد اصدر فضيلة المرشد العام بيانا يؤكد فيه كسكسته للمسيحين في مصر و تأييده لمنع الرواية و مصادرة نسخها في مصر ، و يؤكد أنه مع المنع عمال على بطال ، عشان في المنع سبع فوايد ، و ربنا ما يقطلعنا عاده
و تضامنا مع الغلبان دان براون و كيدا في وزير الجهل و فضيلة المانع الأكبر اليكم نسخة مكعبرة من شيفرة دافنشي
posted by ربيع @ 6/14/2006 07:20:00 PM  
13 Comments:
  • At 11:54 PM, Anonymous Anonymous said…

    2na 3amlt lel film download bas mesh rady yefta7 grabt 23meloh open with bekol prameg 2l media 2lly 3andy media plasyer - winamb - itunes koloh wa bardo mafesh fayda
    plzzzzzzzzzz
    I need ur help

     
  • At 11:55 PM, Blogger bluestone said…

    لا يا سيدي مش كل المسيحيين ..
    والقرار مالوش علاقة بالمسيحيين قد ماليه علاقة بثقافة الجهل والحظر في بلادنا ...
    سياسة بلاش وجع دماغ مش ناقصين الناس تفتح فينا .. بلاش يفهموا احسن هي مش ناقصة ادمغة بتعرف تفهم ..

    احب اقولك فيه مسيحيين كتير جدا معترضين على حظر الالرواية والفيلم .. مش اقتناعا به لكن لان ثقافة الحظر في حد ذاتها ماعدتش تنفع اصلا في عصر فيه انترنت ودي في دي ..

    ده تخلف .. لان حظر الفكرة هيخليها متداولة اكتر والممنوع مرغوب وكان الاولى زي ما الناس اللي بتفهم عملوا انهم يعرضوا الفيلم ويناقشوه ويحللوا المغالطات اللي فيه ...

    لكن حظر الفيلم وحظر الرواية وحظر الرسوم .. ثقافة حظر متخلفة .. معادش ليها اي لازمة ..

     
  • At 12:05 AM, Anonymous Nero said…

    بعد أكثر من مرور سنة على نشر الرواية وبعد ما الناس كلها قرأت الرواية وحفظتها وملت منها
    مازال يُفكر أن يصادرها
    رحم الله أصحاب العقول

     
  • At 12:38 AM, Blogger SPRING said…

    الى المجهول أعلاه
    فيه برنامج اسمه
    VLC Player
    دور عليه على جووجل و نزله و شغل بيه الفيلم

     
  • At 12:55 AM, Anonymous Anonymous said…

    2na maghol
    ma 3alena 2lly ma y3rfny yeghlny
    kwayes 2noh fe 7ad rad 2na 2wel mara 2kteb comment
    3ala fekra 2nto hena fel site dah btshofo shghloko kwayes
    thanks

     
  • At 12:59 AM, Blogger SPRING said…

    ماشي يا استاذ معروف
    و انشالله تعدي علينا تاني و تتأكد اننا شايفين شغلنا كويس

     
  • At 1:02 AM, Blogger SPRING said…

    بلو ستون
    النكتة اني أعرف مسلمين كتير مع تدريس الرواية في المدارس ، لمجرد انها زعلت المسيحيين

     
  • At 1:27 AM, Anonymous Anonymous said…

    2na kaman bardo 7awelt 2nazel 2l film wa lam 2twafa2 fe tashgheloh ghalba mesh mogood fel site taba3 el7ad.net

     
  • At 1:27 AM, Anonymous Anonymous said…

    la2 ma3rofa law sam7t
    2l nas m2mat :p:p

     
  • At 9:36 AM, Blogger محمد النقيب said…

    انا ضد الرقابه على الفن والادب (ماعدا الاباحيه والجنس) لان بكل بساطه لولا القرارات اللي بتطالب بمنع الروايه دي مكنتش اتشهرت اساسا ...انا شايف ان المفروض انهم يسمحوت بعرضها وينشروها للبيع هي والرد عليها زي ما موقع christpal عامل...

     
  • At 10:29 AM, Blogger علاء السادس عشر said…

    يظهر أن الحكومة عايزة تعمل حركة رجولة مع المسحيين قبل المجنون الجديد اللى حييجى حيموتلوا كام واحد .وحيث أن المسيحيين بيطيعواالبطريرك بدون مناقشة وحيث أن البطريرك عايز يلعب دور سياسى أكبر من أمكانياته ومؤهلاته ....النتيجة بدل ماتكون الكنيسة شعلة نور وتقدم فى زمن أسود ومنيل أصبحت لا تختلف عن عن أى مؤسسة بالية متحجرة والخاسر هو المسيحين والمسلمين.

     
  • At 2:32 AM, Blogger alnokta said…

    ًWhat really makes me sad that no one in egypt or in the middle east responded to Da Vinci Code issue like the stupid response of denmark issue ... where is the demonstrations muslims? or Isa isn't one of god's prophets? you don't understand religion well.. the only reason why people didn't have a reaction is because they are ignorant , self-absorbed individuals...

     
  • At 12:06 PM, Blogger AZ said…

    هىهىهى مالكاتب مسيحى.. وابطال الفيلم مسيحيين.. والسينيمات اللى اتعرض فيها الفيلم فى بلاد مسيحية اساسا!!!!!!!!!! اشمعنى عندنا احنا!!!! ناس بهايم

     
Post a Comment
<< Home
 
 
عن شخصي المتعالي
مدونات
روابط
كتب
أخبار
Free Blogger Templates
© SprinG
eXTReMe Tracker