Tuesday, August 15, 2006
هتلر يتقلب في قبره أو انا انتصرت و ملعون أبو شعبي
قرأت في أحد المدونات مع بداية حرب حزب الله و اسرائيل أن الحرب في الحقيقة بين أيران و سوريا من جهة و بين أمريكا من جهة ، اليوم ادركت مدى صحة هذا الكلام ، حسن نصر الله يؤكد على انتصاره ، ايهود اولمرت يقر ببعض التقصير ، الى هنا الموضوع طبيعي ، الغريب أن يقول السكران بوش أن اسرائيل انتصرت!!! ، يا راجل انت هاتفهم أكثر من رئيس الوزرا بتاعهم؟ ، الأغرب من ذلك أن يأتي أبن أبوه فشار الأسد و يلقي خطبة عصماء ، ليعلن أنتصار حزب الله و ليشتم في الأكثرية اللبنانية!! ، أنا موش فاهم ليه السوريين معتقدين أن لبنان امتداد طبيعي لسوريا؟؟ ، ثم يأتي العبيط الأكبر اللي بالع راديو ، حمادو نجادو ليعلن ان ايران اسف حزب الله انتصر
طيب السكران بيقول اسرائيل انتصرت ، أبو طويلة موش قادر يتنازل و يقول ان الشعب البناني انتصر؟ يعني حزب الله موش محسوب على لبنان؟ طيب حمادو نجادو راجل شيعي و بالنسبة له حزب الله شوية مرتزقة بيبعتهلم فلوس و سلاح عشان يبعبصوا اسرائيل ، و موش فارقه معاه أصل ايده في المية ، تيجي انت يا عربي تنكر ان فيه حاجه اسمها شعب لبناني؟
posted by ربيع @ 8/15/2006 11:37:00 PM  
6 Comments:
  • At 2:11 AM, Blogger Tarek said…

    والله يا ريت كانت لبنان إنتصرت بس ال حصل إن حزب الله هوه إل إنتصر للبنان
    تقدر تقوللي كانت فين لبنان و فين جيشها لما مقاتلين حزب الله كانوا بيقاوموا إسرائل السنيورة كان بيعيط و سعد الحريري زعيم الأغلبية كان بيتفسح في أوروبا و وليد جبلاط كان بيشتم في ال يعرفه و ال مايعرفوش

     
  • At 3:11 AM, Blogger bluestone said…

    نفسي حد ييفهمني ايه هي مكاسب حزب الله اصلا ؟؟ حزب الله كسب ايه ؟؟؟ مش شايفة إن 40 أو 50 عسكري قصاد 1500 مدني واكتر من 2000 مصاب غير تشريد شعب بأكمله وتدمير دولة يعتبر نصر من اي نوع.

    أما الموقف الحالي فهو كالاتي ::
    اسرائيل دخلت جنوب لبنان ومش طالعة إلا بالطبل البلدي وتسيبي ليفني قالت امبارح مش طالعين إلا لما قوة دولية تنتشر في جنوب لبنان ونضمن ان حزب الله بقى غير مسلح تماما وهنسيطر بقواتنا على الطرق اللي بيتهرب من خلالها السلاح لحزب الله.
    -حزب الله خسر عدد كبير من جنوده .. واسرائيل والمجتمع الدولي لن يتركوه إلا هو مثال يحتزى به ألعن من حزب البعث
    -لبنان ... خربت تاني
    -إيران ريحت شوية من الضغوط من المجتمع الدولي
    -سوريا مكسبتش اي حاجة .. وواضح انها مكانتش عايزة تتدخل من الاول .. إلا في الكلمتين الحمضانين بتوع فشار
    -ظهور نوع جديد من الحساسية العربية/العربية والمنتظر تحولها إلي صراع وهي المشكلة السنية الشيعية .. مع احساس السنة بقوة إيران وشيعة العراق وسوريا وعودة فكرة الهلال الشيعي مرة أخرى ..

    مجرد مصيبة أخرى تساهم في بقاء العرب كما هم قطيع من الغنم اتفقوا على ألا يتفقوا ..

    حد والنبي يفهمني ..... ايه هي مكاسب الحرب دي؟ ؟؟؟؟؟

     
  • At 8:28 AM, Blogger SPRING said…

    يمكن يا بلوستون مكاسب الحرب هي تحجيم حزب الله و نشر الجيش البناني في الجنوب

     
  • At 10:39 AM, Blogger Zanaty said…

    السلام عليكم
    مش عارف اقول إية إنت كلامك مش غلط بس فية مشكلة فى المفاهيم مابينا أنا لما قراءت كلامك حاسيت ان حزب الله دة شركة مساهمة بتتحاسب بالأرباح المباشرة بس مش دة فهمى للموضوع بإختصار مفيش حرب من غير تضحيات وإلا متبأش حرب. حزب الله مش هو إلى سعى للحرب لكن إسرائيل هى إلى شافت إن قدمها فرصةللقضاء علية. يعنى لما تبقى ماشى فى الشارع يطلع عليك شوية بلطجية عاوزين يضربوك و تعرف تتصرف معاهم مبتؤلش أنا خسرت عشان القميص إتقطع. طبعاً الشعب اللبنانى مش قميص و 1000 قتيل مش قطعة بس أنا قصدى إن الحسابات مش محددة أوى وسعات تفادى الهزيمة بيبقى إنتصار أنا مش عاوز أطول بس أنا حاسس إن إلى حصل فى لبنان دة لسة مكملش و حاسس غن تاثيرة إن شاء الله هيوصل لمصر

     
  • At 9:48 PM, Anonymous Anonymous said…

    That's a great story. Waiting for more. » »

     
  • At 9:18 PM, Anonymous Anonymous said…

Post a Comment
<< Home
 
 
عن شخصي المتعالي
مدونات
روابط
كتب
أخبار
Free Blogger Templates
© SprinG
eXTReMe Tracker