من الساعة 11 لحد الساعة 1 كل يوم ، لو هايقدم مجموعة من الأغاني القديمة ، من أول الخمسينيات لحد التمانينيات ، استمتعوا ! ، أكيد ماحدش ماسمعش عن البرنامج ، الفكرة معروفة و متكررة ، بس هو عملها بشكل جميل ، أظن كان فيه برنامج زيه في الاذاعة المصرية ، كان بنفس مستوى اختيارات الأغاني ، بس كان جد شوية عن ده ، البرنامج ده ميزته انه حي ، و مع الوقت الواحد هايعمل علاقة قوية بينه و بين صوت لو ، على فكره شكله خجول و بيتكسف يتصور ، مالاقيتش الا صورة صغير في الموقع بتاعهمكمان المسابقات بتاعة البرنامج جميلة ، احيانا تلاقيني اسرح مع الأغاني بس لما يجي وقت الأسئلة اركز و أعلي الصوت اللي عاجبني في البرنامج هو نفسه اللي عاجبني في حاجه زي ويكيبيديا ، الثقافة الشعبية ، هنا مافيش واحد معاه دكتوراه قاعد بيعلمك ، أو محاضرة مملة ، أو مقالة مكتوبة بطريقة بتكلف ، انما معلومات بسيطة بتتقال بطريقة سهلة و في نفس الوقت دقيقة فيه شوية اقتراحات يا ريت توصل ل لو و يفكر فيها
ممكن تعمل يوم في الشهر لفرقة أو مغني معين؟ يبقى اليوم كله معلومات و أغاني بتاعته ، بلاش اليوم كله ممكن ساعة من الساعتين أو زي ما انت عايز
المسأله دلوقتي موش الأغاني ، احنا عايزين نسمع كلام عن الأغاني ، مرة قلت ان واحد صاحبك – او حاجه زي كده – قعد يتكلم عن لمدة ساعة كامله ، فين يا عم الكلام ده؟
المسابقات جميلة ، بس انا عايز أعرف مصدر ال دي في دي اللي انت بتوزعه كل يوم ، عشان عايزينه يزيد شوية
عايز أسمع صوت نفس دارث فيدر تاني ، ولا موش انت اللي كنت بتقلده من فترة للتانية قلد صوت يودا ، انت كنت عايز تبقى جيداي و انت صغير؟
بلاش الأجازات الطويلة دي ، بتوحشنا يا اخي
|
