Sunday, October 22, 2006
فاكرين جريندايزر؟ اتفرجوا على دول
سخنتني أوي تدوينة ابليس عن جريندايزر ، قررت أكتب عن فيلمين للمخرج
، الفلمين هما
Princess Mononoke
Spirited Away
تاني واحد ده يترجم ازاي يا عمرو؟
، ببساطة الفيلمين أبعد ما يكونوا للأطفال ، دول فيلمين للكبار فقط ، و الغرض منهم تعليم الكبار أن دنياهم الوقعية دنيا غبية مملة ، و لا مفر من الخيال ، الخيال هو ما سيحميك و يجعلك تستمر في التنفس ، و بدونه ستصبح خنزيرا – الراجل ده بيحب الخنازير أوي- أو ولية عجوزة بمناخير كبيرة
كمان سيبك من الرتابة و الخطوات المحسوبة ، دي عيشة يا راجل؟ سافر و غامر و ادخل للغابة و للملاهي ، و قابل مخلوقات جديدة موش بس كده لأ تأقل معاها ، و أفهمها و صاحبها ، و تعاون معاها عشان تخرج من حبستك ، أو عشان تحقق اللي انت عايزه
هتلاقي أعداء كتير ، عايزين يقتلوك ، و يحبسوك و يشغلوك خدام عندهم ، و هاتلعن أو اليوم اللي دخلك الملاهي المجنونة دي ، أو الغابة الملعونة دي ، في الاخر هاتكتشف انهم بعملهم ده بيأدوا واجبهم ، و أن عواطفهم هي اللي بتخليهم يأذوك ، هما خايفين على بلدهم ، أو ولادهم ، أو أي حاجه تانية ممكن انت تخاف عليها ، و أكيد هاتبقى زيهم لو اتحطيت مكانهم
المشكلة في الناس اللي هاتساعدك ، طبعا هما موش ناس ، الناس زي ما قلنا ليهم عواطف و دايما بيغلبوا عواطفهم على مصلحتك ، انت هاتلاقي االهه هاتقف معاك ، و كمان أنصاف الهه ، هتلاقي روح النهر بتراعيك و تنقذك في اخر لحظة
طول ما انت ماشي هتلاقي ناس كتير مالهاش عدد ، مالهومش لازمة في الحقيقة ، مالهومش دور كبير ، دورهم الوحيد هو ابهارك ، الراجل العجوز اللي لابس قبقاب عالي جدا ، الضفادع المتكلمة ، الروح اللي عامله زي راس الفجل ، الراجل اللي ليه 8 رجول ، الحاجات الغريبة الصغيرة اللي بتشيل حتة فحم انت ماتعرفش تشيلها خالص ، الطفل الكبير الضخم ، أحيانا يتكلم و أيانا يعيط زي الأطفال ، أرواح
الغابة البيضا ، بتقف و تهز راسها و تطقطق ، و لا انت فاهم بتطقطق ليه ولا بتهز راسها ليه؟ بس هي هاتدلك على الطريق
posted by ربيع @ 10/22/2006 03:03:00 PM  
9 Comments:
  • At 4:53 PM, Blogger أحمد said…

    ايوه يعنى نتفرج عليهم منين يعنى

     
  • At 5:01 PM, Anonymous theSamo said…

    ana lesa metfarag 3la "Howl's Moving Castle" embare7.

    it's second half is boring. Overall the film is worse than those other two. But maybe I just got too used to creatures made of black goo, old ladies with gigantic noses and scars on their hands. That doesn't mean it's not worth watching.

     
  • At 5:02 PM, Blogger MAKSOFA said…

    علي فكره
    انا عمري ماشتمت حد
    وفيه واحد الله يخرب بيته
    منتحل اسمي
    وللعملم فقط
    انا كتبت بوست عندي بيوضح كلامي

    وعلي فكره انا غيرت لك الأغنيه علشان متزعلش
    مع انها اغنيه حلوة لو عرفت معناها
    بس يمكن اللهجه
    موش واضحه
    لأنها أماراتيه
    وموش كويتيه زي ما قلت ودي
    لرويده المحروقي وأعلانتها ماليه الشوارع في مصر

     
  • At 10:09 PM, Blogger Sherif Nagib said…

    طبعاً عارفهم يا ربيع، أنت انتقيت اثنين من أشهر نماذج الأنيمي في العالم، و بالذات " سبيرتيد أواي".
    أظن ممكن أترجمه " نداء الأرواح" أو "المجذوبة" " خطفتها الأرواح" أو حتى " "حلاوة روح"

    :-)

    عموماً دي فعلاً محتاجة واحد من أل-غربية يترجمها.
    الفيلم فيهرسائل عديدة، الموضوع الرئيسي له حسبما أظن هو مرحلة الانتقال من الطفولة للمراهقة.. النضوج بمعنى أصح.
    و بمناسبة أل-غربية و عمرو :) ، قرأت للفيلم تفسير بيئي و كان مقنع جداً.. لاحظ أن الملاهي كانت جزء من الطبيعة و الحكومة خربتها، و أن روح النهر نظفت لما خرجوا منها الملوثات اللي الناس كانت بترميها، و إن هاكو كان روح نهر تم تجريفه.
    لسة ماشفتش برنسس مونونوكي و لكني أعلم أنه عن قتل الألهة، و بالمناسبة هناك لبس حول استخدام كلمة
    GOD
    في الترجمات الإنجليزية و أن الكلمة اليابانية مختلفة.. مش فاكر بالضبط بس قرأت حاجة كده من قبل. بالمناسبة هناك جدل كبير حول مشاهدة هذه الأفلام يعرف باسم جدال :
    subbed or dubbed
    أنت شفت الأفلام مدبلجة إنجليزي و لا ياباني مترجم ؟.. أنا دايماً باتفرج على الاثنين.

     
  • At 10:13 PM, Blogger Immature said…

    انا مشفتش منهم غير سبيريتيد اواى .. شفته من حوالى سنة .. وبصراحة مرتحتلهوش اوى . حسيت انها نسخة سيريالية ممسوخة من اليس فى بلاد العجائب بس برؤية يابانية .. الناس اللى اخترعوا رسوم الانيمى والمانجا وليهم مدارسهم فى الرسم .. ده حتى المخرج الامريكى العبقرى المجنون كوينتين تارانتينو استخدم رسومهم فى الجزء الاول من ثنائية "كيل بيل" .. لكن الجوائز اللى حصدها فيلم سبيريتيد اواى تدل على ان الفيلم له قيمة عاليه اوى انا مقدرتش اوصلها او احسها .. يبقى العيب فيا انا اكيد

     
  • At 12:13 AM, Blogger SPRING said…

    ابليس
    لو عايز اجيبهملك تشوفهم
    مكسوفة
    هو انا قلت انك شتمتيني! ، و بعدين يا ستي اشتمي على راحتك هو انا أطول
    أنا ماليش في الأغاني الخليجية للأسف ، بس سمعت عن رويدا المحروقي و بيقولوا عليها حلوة
    شريف نجيب
    انا شفت المدبلجة ، الترجمة مملة جدا ، كل شوية تنقل عينك من السطر للصورة و بالعكس ، فيلم القدر العجيب لأمال بلبل شفته مترجم ، و لأن الكلام ماكنش كتير أوي استمتعت ، انما دول حاجة تانية
    الفيلمين فيهم اشارات كتير جدا ، و لو تروح على أي موقع بيتكلم عنهم هتلاقي بلاوي مستخبية ،
    thesamo
    انا عايز انزله ، بس موش لاقي نسخة كويسة ، طبعا تكرار الشخصيات ممل الى حد كبير ، بيفكرني بدان براون ، تقدر تتنبأ بأحداث كل روايته اذا قريت واحده بس ، انما هنا الموضوع مختلف شوية ، و في الاخر أكتر حاجه بتبهرني الخيال
    immature
    طيب و هو اليس في بلاد العجائب موش سيريالي؟
    فكرة ان طفل ما بسبب ما يروح لعالم غريب متكررة في أدب الأطفال كله ، نارنيا ، نيلز ، اليس ، بينوكيو ، و عشرات الأبطال الصغار راحوا أماكن سيريالية عشان يتعلموا حاجه أو يقوموا بمهمة ، ده يمكن كل قصص الأطفال بتتكلم عن الموضوع ده
    يمكن الجديد هنا الخيال الواسع أوي ، و طبعا عدم شهرة الفيلمين تخليهم وجبة جديدة دسمة

     
  • At 1:37 AM, Blogger Immature said…

    ايوه يا استاذ ربيع .. انا لم انفى صفة السيريالية عن فيلم اليس .. انا قلت انها رؤية "ممسوخة" ومغرقة فى الخيال الغير مفهوم .. دايما احس ان اليابانيين لهم عقول مختلفة وكأنهم من كوكب تانى .. كما اننا لانستطيع ان نضم قصة هذا الفيلم لادب الاطفال بأى حال .. الا اذا كانوا اطفال يابانيين .
    سؤال تانى مالهوش علاقة .. هل ياترى شاهدت فيلم وندرفول دايز ؟ هو برضه على ما اعتقد فيلم يابانى ورسومه وموسيقاه رائعة

     
  • At 2:14 AM, Blogger SPRING said…

    immature
    لسه مخلص تعليق عند ابليس عن اليابانيين ، باتفق معاك 100% ، كمان واضح ان الفيلم للكبار موش للأطفال ، انا قصدي انه موش عيب ناخد فكرة أليس و نعمل منها حاجه جديدة
    دلوقتي قريت الرد بتاعك في مدونتك ، موش عارف ليه افترضت انك بنت!!!؟؟
    أيام رائعة فيلم كوري موش ياباني ، و هاحاول أشوفه قريب

     
  • At 11:57 AM, Blogger MAKSOFA said…

    أيوة
    رويده المحروقي
    سمراء
    وجميله فعلا
    وهي خريجه الجامعه الأمريكيه في بيروت
    لأن أبوها أماراتي
    وأمها لبنانيه
    وهي متزوجه من الموزع المصري
    مدحت خميس
    وانا يمكن علشان بحبها
    تخيلت
    أنه من السهل علي الأخرين
    أن يفهموا كلمات أغانيها
    ويحبونها مثلي

    أما عن الشتائم
    فأنا أقصد
    الشتائم التي وجهت لأحمد

    لا أعرف لماذا هذا المجهول
    بيعمل كده في
    وهريني شتيمه
    موش موجوده في قاموس الشتائم
    الذي نعرفه
    عموما
    أنا سعيده
    أني تعرفت
    بمدونين
    كنت أتمني
    أن أعرفهم
    حقيقه
    ولكم تحياتي

     
Post a Comment
<< Home
 
 
عن شخصي المتعالي
مدونات
روابط
كتب
أخبار
Free Blogger Templates
© SprinG
eXTReMe Tracker