Wednesday, October 25, 2006
الاخصاء هو الحل ، أو الثورة الشاملة
يظهر أن توصيات المجلس الأعلى لحركة 30 فبراير لم تبتع بشكل كاف ، فما قرأته اليوم في مدونة مالك يؤكد ذلك ، التحرشات هذه المرة حدثت بشكل جماعي ضخم و كانت هناك ضحايا كثيرة ، في وسط البد! ، في وسط البلد! و الله دي بجاحة! ، شاهدت مرة مثل هذه التحرشات في روكسي ، و في العيد أيضا ، و لكنها كانت تقابل بقسوة بالغة من أصحاب المحلات و المارة و السكان ، و لم أرها سوى مرة واحدة في حياتي ، هنا أنا أدعو الى تشريع جديد
الاخصاء يا حواء الاخصاء ، أدعو الى توزيع ابر التريكو و الكماشات و الفؤووس الصغيرة ، توزيعا مجانيا غير مقيد بفئة أو بسن على كل الاناث في البلد ، على أبواب النوادي و الجوامع و الجامعات و الوزارات في مصر ، و أن يتم تنظيم دورات مكثفة - اسوة بالباركور - على أعمال الاخصاء السريع و الفعال ، ، و يتم عمل جائزة سنوية لتشجيع الاخصاء ، تتضمن جوائز لأفضل اخصاء ، و اسرع الخصاء ، و الاخصاء المبدع ، و الاخصاء الفني ، و الاخصاء السياسي ، لا بديل للاخصاء يا جماعة ، فهو الملاذ الوحيد ضد التحرش ، يا بنات البسوا اللي انتوا عايزينه طول ما معاكو ابر التريكو ، لن يقترب منكم أحد
يا منال يا نعامة يا بلوروز يا مكسوفة يا نورا يونس ، يا هبة رنك ، يا منى زكي ، يا علا غانم ، يا نوال السعداوي ، يا تحية كاريوكا ، يا محمد حماقي ، يا شارون ستون ، يا زينب العسكري ، يا منال علي -مين منال علي دي؟- يا كل نساء الكره الأرضية
الاخصاء هو الحل
posted by ربيع @ 10/25/2006 03:20:00 PM  
9 Comments:
  • At 7:41 PM, Blogger أحمد said…

    و بيب اهلي

    يا التريكو يا الكباب
    يا نخلى عيشتكو هباب

     
  • At 12:50 AM, Blogger bluerose said…

    الكلام الجد بقى اننا فعلا مفترض نشوف وسيلة حقيقية لحماية نفسنا بعد ما ثيبت ان مافيش حد بيحمي حد , لا أمن ولا مجتمع ولا اي حد

    سيبك بقى من حكاية الابر و الفئوس دي لأن الحكاية مش بالبساطة دي , يعني أنا عندي خبرة بسيطة في الجراحة و باقول اني مش هاقدر استخدمها , الحكاية فعلا مش سهلة

    بجد لازم يكون فيه حاجة سهلة الاستخدام للكل

    زمان كنت باشيل سلف ديفنس في الشنطة دايما , بس موضوع مالك أثبت فشلها

    مش عارفة ايه الحل , بس لازم يكون فيه حل

     
  • At 12:55 AM, Blogger SPRING said…

    انا مستنيك يا بلو تقترحي انتي
    ماتسألنيش أنا ، لأني لما هابقى وسط مجموعةمن 20 واحد موش هاخاف من أي حاجه ، حتى لو مسكتي طبنجة ، هاقول الرصاصة موش هاتيجي فيا
    لو أنا لوحدي و باحاول أتعرض لبنت الكلمة الواحدة هاتخليني أخاف و امشي بعيد

     
  • At 11:45 AM, Blogger bluestone said…

    يمكن الحل السريع بعيد عن التنظير والتفسير والسفسطة المستفزة .. يا نشيل سلاح .. يا إما سلف ديفنس من نوع قوي جدا ويكون مداه واسع عشان موضوع العشرين شخص دول .. أو حتى ستانت جان او الصاعق ..
    اكيد فيه حل .. ما هو مش كل واحدة هتبقى زي الست علا غانم عندها قدرة تأجر بودي جاردز لحمايتها ..

    افتكر انه لازم يكون فيه اختراع مصري بما ان موضوع الانتهاك الجماعي في قلب العاصمة اختراع مصري صميم ...

    انا عن نفسي لازم افكر في موضوع السلاح ده بشكل جدي .. المسألة بقت مرعبة ..
    وواضح ان بقى لازم كل واحد يحمي نفسه بنفسه

     
  • At 11:53 AM, Blogger SPRING said…

    معايا اتنين بلو مرة واحدة ، يا أهلا و سهلا
    انا ماكنش قصدي بحل اللي انتي بتقوليه ، انا كان قصدي عقاب للفاعل ، مسألة العقوبة موجوده في كل المجتمعات و كل الثقافات و البلدان ، بس يظهر ان التقفيش عندنا مالوش عقوبة ، كمان لو واحد بس من المجموعة اتعاقب ، هاتلاقي بقية المجموعة خافت و بطلت
    خلي بالك حل الاخصاء ده اللي اقترحه و بيطبله ولاد ، لأنهم اكثر معرفة من البنات بجدية العقاب ده
    انا اقترح عقوبة محايده ، اخصاء مؤقت بحقن الكافور أو بمواد كيميائية معينة

     
  • At 1:20 PM, Blogger MAKSOFA said…

    لم يحدث لي أن تفاجأت من موضوع التحرش الجنسي الذي حدث في وسط البلد لأنه وللأسف هذا التحرش متأصل في تاريخ الشعب المصري ، خصوصا في الأماكن الزحمه واوقات الأعياد، فكم من المصايب ترتكب في الأتوبيسات وفي الميكروباصات وفي الأنفاق وغيرها ، وللأسف أعتادت النساء علي السكوت خوفا من لوم المجتمع الذي لا يرحمها ويلقي الأتهامات جزافا عليها ، وغالبا يرفض معظم الناس أن تخرج الفتيات بمفردهن في الأعياد خوفا من تلك التحرشات ، والذي أؤكد عليه حقيقه أننا شعب عايز يتعلم السلوك المحترم والمهذب ، و للأسف لا يوجد مثل هذا النوع من التحرشات والتي يتجاهلها رجال الأمن سوي في مصر
    ففي معظم بلاد العالم هناك عقوبات رادعه لمن يتحرش بالنساء سواء في الشارع أو غيرها من الأماكن العامه ، ولايمكن أن يحدث هذا في البلدان الخليجيه مثلا حيث أعتاد الناس علي الألتزام بالقوانين التي تحكم البلد ، فمثلا في بلد مثل الأمارات يقبضون علي المتحرشين بالنساء وينشرون صورهم بالجرائد وعقابهم السجن
    وفي السعوديه كلكم تعلمون كيف يعاقب هؤلاء في بلد تحكمه الشريعه الأسلاميه ،
    وفي ظل بلد مثل بلدنا المسكينه مصر لايوجد أمن مركزي الا أمام المساجد والكنائس وفي مواجهه المظاهرات الطلابيه ، رغم أنهم يعلمون جيدا ما يحدث من تحرشات جنسيه للنساء من جميع الأعمار
    فأنا أوافق علي الحل الذي أقترحته كعقوبه رادعه لمن يتحرش بالنساء ، لكن هذا لن يتم بمعرفه النساء أنفسهم في الشوارع والا تحولت الدنيا الي مذابح جماعيه وكل واحده عايزة تنتقم من واحد تخصيه ويكون المسكين معملش حاجه
    لا أنا فعلا موافقه علي الأقتراح ده لكن الدوله اللي سايبه الدنيا سايبه هي اللي تطبقه
    ليكون هؤلاء عبره لمن يفعلون ذلك
    وبصراحه أمثال هؤلاء يجب الا تأخذنا بهم شفقه أو رحمه

     
  • At 7:06 AM, Anonymous Anonymous said…

    دول أصلا شوية زبالة عايزة الحرق

    هوا الحل مطاوى فى شنط الستات

    و إللى يقرب منها تغزه

    تقطع عضوه

    تفقع عينه

    تعمل له عاهة مستديمة و خلاص

    عشان يحرم يعمل كده تانى

     
  • At 9:37 PM, Anonymous Anonymous said…

    oh my god this is obnoxious..there
    is this guy me and my friends see
    every other day...almost twice a week....only the way he glares at you is enough to make you feel violated...he wanders infront of my school..with his pant's zip opened..without any spido or boxer or what so ever..and holding his penis out of his pants like he's showing off with'em..this is in alex....we tried to tell the security in the street one told us..pretend he's not there..and another told (2a3mello eh ya3ni).. and what really pisses me off is that he looks decent..nobody can tell that he does this..a good shirt with a tie and everything.. he doesn't look suspicious AT ALL..and i don't think he's mentally ill..egypt has nothing left worth staying in it...

     
  • At 2:12 PM, Anonymous Al said…

    i dont know what to say..i these hurrasments make me sick

     
Post a Comment
<< Home
 
 
عن شخصي المتعالي
مدونات
روابط
كتب
أخبار
Free Blogger Templates
© SprinG
eXTReMe Tracker