SprinG: عن ما يحدث في أم الفضاء التدويني

عمي ، اخبارك ايه؟
يمكن أنا عايز أزود حاجه على كلامك ، صحيح التدوين عامل زي كتابة اليوميات او المذكرات ، صحيح هو مختلف ان الناس بتقرا الكلام ، مش زي اليوميات بتكون حريص ان ماحدش يقراها ، أو على الأقل القريبين هما بس اللي بيقروها ، كمان الناس ممكن تعلق على كلامك ، كمان انت ممكن تحط عداد صعنن ، و تقعد كل يوم تدخل على المدونة و تركب مشعارف ايه اللي بيقولك كام واحد دخل في اليوم و الاسبوع و الشهر اللي فات ، و تشوف احسن معاد و يوم نتشر فيهم ، و تشوف ايه الموضوع اللي ممكن يخلي الناس تقراه ، و تدخل في دوامة ان ام المدونة بتاعتك لازم تبقى مشهوووووورة و كل الناس تقراها ، و لو حد قالك انت كلامك ده غلط ممكن توصل معاك انك تكلمه في التلفون أو تروحله و تتخانق معاه
احنا عاملين زي صدام حسين ، صوته عالي عشان عارف ان فيه كاميرا بتصور ، انما لو مافيش كاميرا هاتلاقيه بيشخ على روحه
احنا عايزين حد يقرانا و يعلق علينا و يشتمنا و نشتمه و نقعد نشرشح لبعض و نتخانق مع بعض و نكسكس لبعض
كمثال ، أنا باحترم جدا هبة رنك ، المواضيع من اجمل ما يكون ، و كمان لاغيه التعليقات عندها ، يعني مش فارقه معاها حد علق و لا قرا و لا نيل ايه ، المهم انها بتكتب ، زي زمان لما كانت بتكتب يوميات ، بس دلوقتي ممكن احط صور مع الكلام ، هو ده الفرق الوحيد بالنسبه لها
تعالى بقى عند التنين أبو شنب ، التعليقات عادة بتكون اطول من التدوينة ، ليه؟
ازيك يا لولو
واحشني يا لولو
اللله عليك يا لولو
ايه الأغنيه الحلوه دي يا لولو
و بعيدن لولو يرد
:)
كويس
:)
اهلا
اهلا وسهلا
اهلا و سهلا ازيك انت؟
هيهيهيهي
:)
:)
انت بقى كلامك مش عاجبني ، و انا مش هاسمح لنفسي تاني اني ارد على هذا الشخص اللي هو انت لأني في مدونتي ماسمحش باني أرد عليك
:]

وهكذا
يا شريف احنا عايزين حد يلاغينا ، مش فارقه يتخانق ولا يشتم و لا يمدح ، المهم يتكلم ، فيه ناس بتنشر في التدوينة ايه من القران و بس ، و تنهال عيها تعليقات التقوي و ربنا يكثر من امثالك و جزاك الله خيرا
و فيه واحد تاني ينشر قراءته الخاصه لايه معينه ، عشان تلاقي واحد في تدوينة تاينة ماسح بكرامته البلاط عشان بيتكلم عن البهائيين! ، عايز أقولك يعني ان حتى اللي بيعلق ، هو كمان عايز حد يلاغيه
يعني كريم مؤمن ايمانا مطلقا باللي هو بيقوله؟ انا متأكد لأ ، كريم بيدور على قضية ، على مسيح ، و على صليب عشان يعلق عليه المسيح و يقعد يصوت و يقول مسيحي اتصلب ، انا عايز مسيح تاني ، و اللي بيهاجموه نصهم بيقولوا يولع بجاز الكافر "اديني أخدت حسنه اهو" ده مجرم و زنديق "و حسنه كمان يا بختك يا واد" و أكيد هاياخد اعدام "دي بقى بحسنتين" و هكذا حتى مهاجمو كريم ، شكلهم بيعوضوا السيئات بتاعتهم في شتيمة كريم
حد فاكر لون ولف؟ اهو ضربها طبنجه من زمان ، اتفقع و جاب ضرفها ، كان واخدها بهزار و مرة واحده لقى انها مابقتش ماشيه مع مزاجه ، قالك خلاص بلاها
بيسو مثلا قعد فترة يكتب حكايا من الامبراطورية و لا مش عارف اسمها ايه ، طبعا مافيش تعليقات ، ازاي هاتعلق على نص زي ده؟ حتى لو كان عجبك؟ و مافيش عداد ، بس أظن ان الزيارات قليلة ، جه أخينا بطل يكتب ، اهو باقيلو سنه ماقريناش حاجه هناك ، ايه يا عم حنفيه الالهام صدت؟ ، يا عم اكتب فيها و انا ابقى انشرهالك و اترجمهم اوكراني كمان ، بس اتنيل على عينك و اكتب
انت بني ادم نضيف اوي يا شريف ، نضيف لدرجه الغباء يا ابني ، و راس امي الغالية مش هاتلاقي واحده تتجوزها من كتر نضافتك ، فكر بوساخه شوية ، و خليك مثالي كالعاده و قول انا وسخ معاكو، انتوا وسخين و انا كمان مابستحماش ، مش زي اللي عمال يقول ، ياااااي الموتونين تول وهشين خاليس ، و ليسانهم تويل ، و اولالات الأتب ، و انا أربأ بنفسي و أبعت بنتافتي – شوفوا انا نتيفة اساي؟- عنهم
من الاخر احنا ماصدقنا لقينا بيت دعارة و كل واحد فتح السوسته
ده قاعد عاملي فيها المناضل اليساري الحنتبولي ، و ده المدافع عن حقوق كلللللللللل الناس ، بدقون و من غير ، بهائيين و صعايده ، يعني مافيش تحيزات؟ مافيش حزازيات داخليه؟ مثالي أوي سيادتك؟ فين ناس تانية في المجموعة الشمسية وحشين غير أفراد الحكومة المصرية يا علاء ، يخربيت دماغك ، و واحده بتدور على عريس ، و واحد خرمه ضيق و قاعد يتكلم عن خرمه و قد ايه عايز حد يوسعهولو ، و واحد جثة ملفوفة بالكفن و عايز يرفع شعار مدونات خاليه من البذاءات ، و واحد تاني دائم السخرية على كل ما يمس الاسلام أو الاداب و الاعراف العامه ، و بيمضي في اخر التدوينة : يا أخي أحه ، ملحوظة ، يا أبو الليل : يا أخي أحه
يا ترى لو ابو الليل بكتب يوميات هايكتب فيها يا أخي أحه؟ مش عارف بصراحه ، ولا مش عارف مين هاتكتب في مذكراتها ان الاوضه اللي نقلوها فيها في الشغل كانت التهوية فيها سيئة و الجو لا يساعد على الابداع و انها راحت اشتكت للمتير بتاعها ، و قالها هاوعدك باوضه احسن ، و رجعت لمكتبها منتصرة على المتير بتاعها و ... ايه الخيبة دي؟ الكلام ده يتكتب في المذكرات؟
فيه بني ادم عاقل يقف قدام المشنقة و يضحك؟
فيه واحد عنده ذرة عقل في بلد كلها مسلمين متعصبين – ولا كلمه كلنا متعصبين عنصرين و اللي هايتكلم في النقطة دي هالغي ام تعليقه – و يقوم يشتم الاسلام؟
فيه واحد حامل لواء الدفاع عن المقدسات قاعد يشخر و ينطر و يكتب في الاخر يا اخي احه؟ ملحوظة للسيد أبو الليل : يا أخي احه تاني
فيه واحد عايز يطبق الشريعه الاسلامية في مصر ، و لما تكلمه عن النظام في السعودية يقولك السعودية مش مقياس بالنسبة لي دول بعاد عن الشريعة! ، امال مين القريب من الشريعة! ، و لا هو انت عايز تقاوح و خلاص؟ انت كمان ماتعلقش و تقرفنا

يا أحا الجنازة حارة و الميت كلب ، يا احا منك له له لها الموضوع مش مستاهل مزايده و تعريص و فشخ زور و علو حس ، يا احا هي كلها نزوه و موضه و هاتروح مع الأيام ، يا أحا كيمو مالوش أي تأثير على الاسلام ، الاسلام ده مش واحد ماشي في الشارع و انت خايف عليه ، زي ما الف قال الاسلام فكرة في دماغ امك ، ماحدش يقدر يغيرها الا انت
شريف باشا عبد العزيز ، احنا في مصر دلوقتي سيادتك ، و سيادتك مصر غير امريكا ، سيادتك عشان تشتغل و تاكل عيش هايطلع تلاته و تلاتين دينك طول اليوم ، و ترجع البيت مش شايف قدامك ، اسأل الدكتور رامي تدويناته قلت ليه ، و لما ترجع و انت قرفان و مش طايق نفسك و عايز تكتب تدوينة عشان تنتقد حاجه مش عاجباك في الشارع ، مش هاتقدر تقوم أصلا من على الكرسي عشان تكتبها ، الناس اللي بتلاقيهم بيكتبوا عمال على بطال و عندهم اسهااااال على رأي علاء دول مجموعة من الصيع العواطليه اللي مالهومش شغل ، و قاعدين مأنتخين طول النهار ، يعني التدوين ده تقضية وقت بالنسبه لهم
كمان انت ممكن في أمريكا تقدر تغير اللي حوليك لما تتكلم ، علاء كل ما يتكلم امات دقون يشتموه ، يكتب مش عارف ايه عن بغداد يشتموه ، يكتب عن كريم يشتموه ، يكتب عن مبارك يشتموه ، منال تتكلم يشتموه ، احه طيب ماتشتموها هي! ، كتب عن طلبه الاخوان المحبوسين ، و برضه بيشتموه ، ده بيسمى في القاموس المحيط : بيضااااااان أو قول اللي انت عايزه مافيش حاجه هاتتغير
كمان انت ممكن يتقبض عليك عشان بتتكلم ، الامثله كتير
شوف ، أنا أحلفلك بالله العظيم يا شريف ، أن انت بالذات هاتبطل تدوين قريب ، و تقول يحرق يلعن ياكشي تولع ، بس يا ريت ماتلغيش كلامك و احتفظ بيه عشان تبقى تقراه لما تعجز

اقتباس أول
و واحد تاني دائم السخرية على كل ما يمس الاسلام أو الاداب و الاعراف العامه ، و بيمضي في اخر التدوينة : يا أخي أحه ، ملحوظة ، يا أبو الليل : يا أخي أحه
يا ترى لو ابو الليل بكتب يوميات هايكتب فيها يا أخي أحه؟ مش عارف بصراحه

اقتباس ثاني
فيه واحد حامل لواء الدفاع عن المقدسات قاعد يشخر و ينطر و يكتب في الاخر يا اخي احه؟ ملحوظة للسيد أبو الليل : يا أخي احه تاني
..............................

"حامل راية الدفاع عن المقدسات" مرة واحدة؟!

اللي فهمته من كلامك إنك شايفني شيخ عامل عرص, أو عرص عامل شيخ
الشيخ اللي عامل عرص: ده واحد شيخ فعلاً بس عامل نفسه عرص, علشان ياكل دماغ البشر اللي زهقت من الأنماط الوعظية الكلاسيكية أو حتى المستحدثة, و ده عايز "ثواب" أو "مكسب سياسي", يعني حاجة كده زي الحج ميكافيللي بتاع الغاية تبرر الوسيلة, أكيد الشيخ اللي عامل عرص معاه "فتوى جهنمية" تبيح التغاضي عن عفة اللسان في سبيل بث التقوى و الإيمان!! هع

العرص اللي عامل شيخ: واحد عرص فعلاً عامل نفسه شيخ عشان "يبيع بضاعته" أياً كانت هذه البضاعة, و عشان يحقق مكاسب (أكيد مش ثواب) أياً كانت تلك المكاسب, و ده واحد وصولي و انتهازي و نصاب, بيلبس "العبايات" عشان ياكل دماغ البشر اللي زهقت من الأنماط الوعظية الكلاسيكية, ضيف عليهم دماغ الناس اللي بتحب أو بتقرف من "العرصنة" و ضيف عليهم كمان الناس اللي دماغها فاضية أو بتلق.. و هذا على سبيل لفت النظر و عمل "شو" و شغل عدادات (لا مؤاخذة) يا سبرنج

و ممكن برضه أفهم من كلامك.. إنك شايفني "شيخ عرص" يعني واحد عنده شيزوفرينيا أو عته مغولي أو ازدواجية سيبيرية او سيبرية (كلاهما براح), يعني بعد الصلاة أضربلي شوتين تيكيلا مع ملح و لمون لا مؤاخذة

و مش بعيد ما تكونش شايفني شيخ من "الأساس" أو عرص من "الفاونديشن", يعني يمكن تكون بتشفق عليا باعتباري واحد من زمرة "عواطلية التدوين" اللي بيدوروا على أي نوع من أنواع التواصل الإنساني, بما يشمله من شقط و شفط و خلافه..

ملاحظة: النماذج السابقة لتصوري عن مقصدك ربما تعطيك انطباعاً جديداً: إني لقيت فوق راسي بطحة و جيت عندك أحسس عليها, أو إن عندي رهاب الشك و التشكك في نية الآخرين,و بعاني من الوسواس القهري, هلاوس تضخيم الأمور, و جاي عشان أنفي عن نفسي التهم المغرضة أو أشيد بالحقائق الدامغة اللي استنبطها جنابك J
أبشر يا سبرنج لا أنا جاي أغزك و اخليك قربان و لا جاي أقدملك قربان في هذه الليلة البضان
:)
عموماً لو كنت شايف أبو الليل بتاع "يا خي أحه" شبه حد من النماذج اللي فوق أو شبه حد تاني مش موجود بينهم.. فأبشر يا سبرنج, فقد تخلصت من قوانين الجاذبية المركزية و حلقت في "أم" الفضاء التدويني رغم أنف الماسونية و التوتي فروتي و التكس مكس, و من حقك أن تحمل كل الرايات دون تحرج أو وجل..
و لو حد تاني غيرك اتبضن من حاجة ما اتبضنتش انت منها فالعيب أكيد مش في بضانك, أكيد العيب في بضانه هو.. لأن واضح إن بضانك تخلصت من قوى الجاذبية و من فلطحة المدارات و بيضاويتها, تحررت من القوة المركزية و الماركيزية فهامت في السديم فرحة بصيرورتها المستحقة بعد شهور مضنية من الاستقراء و الاستنباط و بعيداَ عن (الاستعباط) معاذ الله..

أما بخصوص: يا ترى لو ابو الليل بكتب يوميات هايكتب فيها يا أخي أحه؟ مش عارف بصراحه
لما أكتب مذكراتي أو يومياتي حشوف, بس إعلامك بذلك يعتمد على "حميمية" العلاقة بيننا

بالمناسبة: التناقض بين اللغة "اللاأخلاقية" و المضمون الأخلاقي هو أحياناً تناقض شكلي جدا
فأنا حين أقول: الاستهزاء بالإسلام أو بالمسيحية هو إيذاء لمشاعر المسلمين و المسيحيين ( ليس إيذاء للإسلام أو المسيحية) و أنه أستخدام سيء لحرية التعبير.
يحمل نفس معنى: الجماعة اللي بيتريقوا على الإسلام و المسيحية على الفاضي و المليان دول حبة معرصين و متناكين رافعين راية حرية التعبير (قصدي مرفوعين على راية حرية التعبير)...... و كل واحد يتكلم باللهجة اللي تريحه, سوقية, ميكروباصية, بيئة, أو نخبوية,رصينة, مرصوصة,...
يعني لو مرافق واحدة ممكن تقولها: طيزك مالهاش حل
لأنك لو قلتلها: مقعدتك لا مثيل لها, حتقوللك: ...... و لا بلاش, إلا لو كانت من النخبة و كانت "رفيقة" بالفعل فالموضوع مختلف
و المثال السابق لا يعني بالضرورة إني مرافق الناس اللي بتقرالي و عشان كده باخد راحتي في "الشخر و النطر" زي ما تفضلت
و المثال اللي قبله لا أحمل فيه راية الدفاع عن المقدسات و القيم و "الأعراف العامة" لأنني لست مبعوث العناية الإلهية أو حامي حمى الأخلاق و الفضيلة لكن الأمر يبضن خصوصاً لما تبقى الوشوش كالحة و مكشوفة لا مؤاخذة..
و لا لازم عشان لساني زفر أبقى زفر من كله؟ و نقول لسانك حصانك إن صنته صانك و إن خنته خانك؟
صيانة اللسان في المضمون و المعنى و خيانته كذلك.. و لساني كلامي و حصاني الذي أصدقه, و لا أبدل الماسكات أو أستعير حيلة الحرباء في التلون.. كما اتحدث في الحارة و في الشارع و مع أصحابي من الصياع و (ولاد الناس) أكتب.. لا أنفصل عن تركيبتي و خبرتي.. و لا أقدر.... أحياناً أبدل لغتي, حسب مزاجي و محيطي, لكنني لم أتعلم بعد كيف أهذب انطباعي على الأمور, على المعنى و المضمون, الذي ليس بالضرورة أخلاقياً جداً في كل مرة ! وصلت؟

ما كانش ممكن يا سبرنج اسمع نداءك الأحاوي المزدوج و ما جيش
خالص تمنياتي لك بمزيد من الاستمتاع مع "انعدام الجاذبية" و دمتم دم دم تك

يا خي أحه تربيع يا عم.....ربيع
:)