من فيلم الكيت كات
رمضان : ألا إنت يا شيخ حسنى ماحكيتلناش ، إنت عميت إزاي؟
حسني : أنا أعمى يا غبي؟ دا أنا أشوف أحسن منك في النور و في الضلمة كمان! ... يا سلااااام ، دا إنت راجل عجيب يا رمضان
رمضان : إنت تشوف في الضلمة بس ، سيبك بقى من الهلفطة بتاعتك دي و قللي ، إنت عميت إزاي؟
حسني : ...... كان يجيي عندي عشر سنين ، و كنا ساكنين في البيت ده ، قبل ما مرات ابويا الله يرحمها تطردنا من الشقة ، فاكره اليوم ده كويس ، صحيت من النوم قبل الفجرية ، كنا في بؤونه ، تقولش الشيطان صحاني؟ ، لقيت نفسي ماشي ناحية البحر ، كنت سخن ، سخن أوي .... سخن أوي ، نار كانت طالعه من جوايا ، و ترمسه طالعه في صدري واجعاني ، قعدت على الشط ، الهوا كان واقف زي ما يكون غضب ربنا حل على الدنيا ، غفلت ، يعني .. عيني راحت في النوم ، ما دريتشي دقيقة كانت و لا ساعة لغاية ما صحيت ، برضو الشيطان صحاني ، لقيت قدامي أحلى منظر شفته في حياتي كلها ، تفتكروا شفت ايه؟
أحدهم : القمر؟
حسني :لاااا القمر ده أنا شفته كتير قبل كده يا روح امك
قلوظ : الفجر؟
حسني : الشيطان مابيطلعش في الفجر يا معلم قلوظ
أحدهم : جنيه؟
حسني : يا ريت ! ، شفت إنسية ، بنت...مش عارف ، يمكن وليه!! ، بتقلع هدومها و بتطرطش ميه على روحها ، و بنتزل البحر ، قلبي اتخطف!
أحدهم : و ماعرفتش كانت مين؟
حسني : لا عرفت طبعا!
أحدهم : مين؟
حسني: أمك ! .... بحلقت ، بحلقت ، كانت غلطتي إني بحلقت
رمضان : و بعدييين؟
حسني : و لا قبلين ، قعدت متاخد زي المسحور ، لغاية ما طلعت ، و بس!
رمضان : و بس ايه؟ و بعدييين؟
حسني : بعد إسبوع ، عشر تيام .... راح النور
رمضان : عميت؟
حسني : راح النور يا حمار ، مش عميت! ، خللي عند أهلك نظر |
الكيت كات لوحده أفضل 5 افلام مصريه
رنبا يخلي داود