Sunday, October 21, 2007
سميرة سعيد و الشريط ذو الورقة الخضراء

بالتأكيد لا أذكر التاريخ ، كنت صغيرا جدا ، أذكر تماما الأغنية المبهرة في مقدمة مسلسل ألف ليلة و ليلة ، المسلسل نفسه كان خرافيا ، لا أذكر منه شيئا اليوم ، كل ما أذكر خاتم حسين فهمي الضخم ، و وجه نجلاء فتحي المقطب الخائف حينما يغضب شهريار

أمام جروبي شارع الأهرام ، أذكر المكان بالتحديد ، طبعا اليوم تغير المكان تماما ، في ذلك الوقت ، و انا أمسك يد أبي ، كنت ما أزال أصغر من أن يتركني أبي أمشي وحيدا ، طلبت منه شريط سميرة سعيد الجديد ، في الحقيقة ربما كان شريط سميرة سعيد الأول في مصر ، كانت الشرائط وقتها بسيطه ، ذات اغلفة مصممة و منفذة يدويا ، كان الشريط نفسه بيج اللون ، ملصقا عليه ورقه مستطيله خضراء مكتوب عليها اسم سميرة سعيد و أسماء الأغاني ، كنت متلهفا للعوده الى المنزل و الاستماع اليه بمزاج ، بالتأكيد سمعت أغنية ألف ليله عشرات المرات ، و لكن هذه المره مختلفة تماما ، سأسمع الأغنية من شريطي الخاص ، في الكاسيت الضخم الخاص بأبي

أبي ديمقراطي الى حد كبير ، هو يقف في طريق ما لا يعجبه فقط ، و يقف في طريق هنا تعني انه يمنعه بكافة الطرق ، الاقناع و التهديد و التخويف و الارهاب ، حتى يتوقف السيناريو المرفوض تماما ، لم أفهم كيف رضي أبي أن يشتري لي مثل هذا الشريط العجيب ، فهو لم يعجب بسميرة سعيد يوما ، و بعد عدة سنوات عندما عرف أني استمتع بمايكل جاكسون ، رفع حاجبيه ضاحكا و قال : انت اتجننت؟ ، بعد عدة أعوام عرفت أنه كان ينمي في حب المزيكا ، بل ربما وجد في صوت سميرة سعيد شيئا جميلا ، أو في وجه نجلاء فتحي شيئا ملائكيا

أنا الآن أجلس في صالون الشقة القديمة ، بلا نور ، أمي نائمة و أبي يقرأ كتابا هناك ، و أنا استمع الى أغنيتين فقط ، جالي بعد يومين و احكي يا شهرزاد ، و أظل اعيد فيهم حتى أحفظهم عن ظهر قلب ، كان سكوت أبي دافعا لاعادة تشغيل الأغنية مئات المرات خلال هذا الصيف ، خلال الغداء ، خلال العشاء ، خلال متابعة الأخبار ، و الفرجة على فيلم عادل امام في التلفزيون ، و أثناء زيارة بنت عمتي ، و أثناء زيارة جارتنا الساكنة في الدور اللي فوق ، و أضا اثناء نوم الجميع

اذا أردت تشبيه سميرة سعيد بمغني اجنبي فبالتأكيد سأختار مادونا ، الناجحة دائما ، ملكة الديسكو التي استمرت حتى يومنا في حين ماتت ساندرا و مارتيكا و ستيفي نيكس و غيرهم ، سميرة سعيد مستمرة الى الأبد ، ناجحة بكل المقاييس ، و لو أني لا اتابع ما تغنيه الآن

منذ عدة أيام كنت في شقتنا القديمة ، ابحث عن شيء ما في الكراكيب القديمة المتربة ، منظر الشقة أصبح عتيقا فعلا ، دهان الحائط تشقق ، أصبحت الدنيا غامقة ، و ضاقت الشقة كثيرا ، هناك في درج تسريحة امي وجدت الشريط كما هو ، بالورقة الخضراء الغامقة الملصقة عليه ، و قد ارتفع جزء جانبي منها عن الشريط ، فالصمغ لن يعيش عشرين عاما بالتأكيد ، فرحت كثيرا ، عزمت على أخذ الشريط معي ، لممت القليل من الكراكيب المطلوبة و خرجت و الشريط في جيبي ، بعد عدة درجات ، رجعت مره أخرى و فتحت ردج التسريحه و تركت اول شريط كاسيت اشتريته في حياتي في الدرج ، قلت أنه أثر الآن ، و أن قيمته ستزيد بعد عشرين عاما أخرى ، و انني أستطيع بسهولة الآن الحصول على اغاني الشريط من هنا ، انترنت يعني

أثناء البحث وجدت هذه الأغنية ، بصراحه لم اجد ما يمكن أن أعلق به عليها


posted by ربيع @ 10/21/2007 03:10:00 AM  
25 Comments:
  • At 8:55 AM, Blogger Sabrina said…

    أهلا يا ربيع صباح الخير

    وجدت نفسي كثيرا هنا
    فقد فتنتني صغيرة "إحكي يا شهرزاد " هذه واعتبرت سميرة سعيدة من أجمل الأصوات منذها
    ومازلت اتذكر لها بكل حنين قال جاني بعد يومين
    ومش هتنازل عنك أبدا
    وان كنت لا أتابع أي من أغانيها حاليا
    كما لا أتابع أي من الأغاني مطلقا هذه الأيام...

    شكرا على مقطع الفيديو
    وان كنت لم أشاهده يخرب بيت الاتصال الزفت بس

    يلا نهارك سعيد

     
  • At 9:23 AM, Blogger bluestone said…

    سميرة سعيد بالنسبة لي كانت دايما مش مجرد مطربة صوتها حلو .. شخصيتها القوية وعندها مبهر جدا
    ليها شخصية متفردة بتبان جدا في اختيار أغانيها .. بتحس دايما انها ست قوية وعارفة هي عايزة ايه

    ميرسي جدا على الاغنية .. مكنتش اعرف انها قديمة قوي كده
    :)
    ياريت لو اغنية شهرزاد موجودة عندك :)
    المسلسل ده بالنسبة لي هو قمة الابهار والخدع والدراما وكل حاجة :)
    بس مش بفتكر منه غير صورة الحلل اللي كانت في مطبخ شهريار وبتظهر في التتر

     
  • At 10:06 AM, Blogger الأميره أوسه said…

    أنا من عشاق سميره عبد الحميد
    تقريبآ حافظه كل أغانيها
    وشوفت كل أفلامها الأبيض وأسود
    مش دى أساسآ من بولاق الدكرور
    تعيش وتفتكر
    هى بلو ستون هنا
    وأنا طالبه قهوه من ساعه
    على العموم أنا كنت عاوزه أعرف صاحبك عامل أيه
    بطل بانجو زى ما مامته قالتله
    با جماعه بطلوا بانجو بقا
    مالها الكيميا
    على الأقل مش بتحبس
    بتحبس بشاى

     
  • At 11:32 AM, Blogger Tarek said…

    طبعا أكتر حتة عجبتك في الأغنية "بنستقبل ربيع و بنودع ربيع"
    مش كده

     
  • At 12:21 PM, Blogger ربيع said…

    بلوستون
    يا ستي أكيد هاتلاقيها على يوتيوب ،و اكيد شخصيتها جامده مش قلشت هاني مهنى
    الأميرة أوسه
    اتريقي يا ختي ، مش هارد عليكي
    طارق
    كلامك صحيح ماقدرش اعارضك

     
  • At 12:21 PM, Blogger M.Sameer said…

    متميز يا ربيع دوما.

    تسمع عن اغنيه ليها بتقول:
    انا لو هاخبي عالكون دا كلو
    في بس واحد باتمني اقولو
    هو انت... باحبك انت
    ؟

    انا سمعتها في ليالي التليفزيون مره و دايخ عليها

    bluestone: Get it from here:
    http://home.foolab.org/files/songs/1.Ehky_Ya_ShahraZad.mp3

     
  • At 12:43 PM, Blogger ربيع said…

    محمد باشا سمير ، تلاقيك داخل على البرد المحترم
    بصراحه مش فاكرها ، و لو ان فيه اغنيه برضو كانت معششه في دماغي باقيلها فترة ،
    و نسيت الكلمات و مش باقي غير اللحن

    على العموم هاحاول افتكر و اقولك

     
  • At 5:01 PM, Blogger GEMYHOoOD said…

    لا دة انت ثمانينى جدا زى حلاتى


    بس يا باشا الشريط كان رمادى و الورقة زرقاء

    اجمل حاجة انى كاتب تقريبا نفس البوست و موجود درافت من مدة و برضو فيه ابويا و هوه بيشتريلى شريط سميرة و اكتشافه انى بحب مايكل بعدها بسنوات

     
  • At 7:49 PM, Blogger واحدة وخلاص said…

    لا يوجد ثمانينى لم يحب احكى يا شهرزاد لكن لابد اننى الوحيدة من هؤلاء الثمانينيون التى لم تحب سميرة سعيد
    مساءك لذيذ

     
  • At 8:17 PM, Blogger ربيع said…

    جيمي هود
    يا سيدي يمكن كان فيه كذا طبعه من الشريط ، أو أنا عندي عمى ألوان باين ، نهارك فل

     
  • At 11:14 PM, Blogger ahmad said…

    ياااه
    تزعل مني لو قلتلك إني ما كنتش عارف انها سميرة سعيد اللي بتغني المسلسل ، لكن فاكر توفيق الدقن : مفتاح سر التاريخ
    فاكر جدتي بتفتح التلفزيون الساعة ٧ و تظبط الاريال اللي فوقيه عشان أتفرج

    أول مرة افتكر جدتي من ٣ سنين بسبب تدوينتك

    الله يرحمها

     
  • At 12:27 AM, Blogger ربيع said…

    هو أنا ازعل لأنك أحمد بتاعنا ، لو حد تاني كنت قلت عادي
    تزعل انت لني مش فاكر أي حاجه من المسلسل غير المقدمة؟ ، أما عن الأيريال فيييياه يا أخي ، طيب و الله العظيم كانت الدنيا حلوه جدا ، شوف البساطه يعني!!! ماسورتين حديد هما اللي بيجبولك الارسال ، دلوقتي حدوته طويلة ، تعيش و تفتكر و الله يرحمها

     
  • At 10:45 AM, Blogger GEMYHOoOD said…

    طيب فاكر انت بقة الشريط اللى كان متزامن مع الشريط دة بتاع عزيزة جلال

    يالا ابنا نتفسح سوا فى الشمس و النور و الهوى اهو دة اللى كان قنبلة السنة دى
    نيهاهاهاهاها

    عزة يا ست واحدة و خلاص

    مش عارف انتى زى الشريك المخالف كدة ليه بقة فى حد ثمانينى ما بيحبش سميرة

    دة انا لحد ما اتجوزت اول مرة كنت اتمنى ان مراتى الاولى تبقى سميرة سعيد و اعتقد دلوقت ان المكان شاغر بعد ما انا و هيه طلقنا

     
  • At 11:13 AM, Blogger GEMYHOoOD said…

    سمير الاغنيه اللى انت تقصدها اسمها
    لعلمك انت و دة غلاف الشريط

    http://www.adabwafan.com/content/products/2/2492.jpg

    دة لينك لتحميل البومات سميرة كاملة

    هاتلاقى البوم اللى فيه الاغنيه من ضمنهم

     
  • At 11:14 AM, Blogger GEMYHOoOD said…

    سورى اللينك اهو


    http://www.drdcha.com/vb/showthread.php?t=40656

     
  • At 12:41 PM, Blogger M.Sameer said…

    ربيع: البرد ارحم من هنا. المشكله مش في البرد. يلا ما علينا
    :-)

    جيميهود: تصدق انت 100 100 ولا فراخ الجمعيه

    انا كنت بادور من زمان!
    خد الكنز ده باه:
    http://www.mawaly.com/music/morocco/samira_s3ed/albums/enta_7abiby/

     
  • At 10:41 AM, Blogger Sabrina said…

    لاحول ولا قوة إلا بالله
    اشمعنى انا مردتش علىّ
    مع إني أول رد؟؟!!!

     
  • At 1:43 AM, Blogger ربيع said…

    سابرينا هانم
    معلش يا جميل بس انا مالقيتش لينك لأي معلومات عنك ، و لا بلوج و لا حاجه ، فحسيت انك واحد بيهزر ، المهم شرفتينا يا باشا ، و ابعتيلي الميل او عنوان المدونة عشان يكون فيه اتصال

     
  • At 12:29 PM, Blogger واحدة وخلاص said…

    المسألة يا عم جيمى مش شريك مخالف والا تبقى انت اكبر مخالف فى التاريخ بقى
    بس هى كدة انا بحبش سميرة سعيد زى ما انا مبحبش ام كلثوم
    مش جريمة يعنى

     
  • At 12:43 PM, Blogger ربيع said…

    واحده و خلاص
    يا بنتي انتي يشفعلك سماعك لناس و فرق كتير اوي ، كفايه كوين يعني ، دول برضو مش حاجه هينه

     
  • At 1:16 PM, Blogger Sabrina said…

    صباح الخير ياربيع
    عشاااااااان كده .. إذا عُرف السبب بطل العجب
    طيب شوف يا سيدي بصراحة انا جديدة على عالم البلوجات ده
    وبصراحة أكبر مدونتك هي أول مدونة أتصفحها... ولأني جديدة في هذا العالم هتلاقيني كتبت ردود في بوستات سابقة وكما يبدو لي أن آخر بوست فقط هو اللي بيتم مراجعة ردوده والتعليق عليها
    وعلى فكرة دي تاني مرة تفتكرني واحد (انا اللى كبت باسم مجهول قبل كده في بوست الشيخ والعمة المايلة)
    عموما إن وجدت لدي ما يستحق أن تكون لي مدونة ستكون انت أول المدعوين لها بالطبع
    وحتى هذا الحين أتمنى أن أكون ضيفة خفيفة على مدونتك

    نهارك سعيد

     
  • At 5:21 PM, Blogger ربيع said…

    سابرينا
    معلش أنا ذكوري حبتين ، أي مجهول بافتكره راجل ، يعني على الأقل مافيش تاء مربوطه في ىخر الكلمة فبيجيب معايا على راجل على طول
    انتي يا فندم تشرفي في أي وقت ، حقيقي البوستات الأخيره بس هي اللي برد عليها مش باخد بالي من اللي قبل كده ، بس مش مشكله ، ردي على راحتك و انشاله تكوني مبسوطه
    شوفي لو حسيتي انك عايزه تتكلمي معايا ، هاتلاقي الميل في صفحة البروفايل ، انا موجود على ام اس ان
    سلام

     
  • At 9:26 PM, Blogger misha-lado said…

    vivaaaaaaaaaa 80's
    a7aaaaaaaaaaaaaaaaaaa bgad
    enta 7`alteny 3ayz a3ya6 ya rabe3 enta we besoo
    *****
    بس علي فكرة ساندرا لسه مامتتش فيه البوم جديد نسبيا لاينجما سبتمبر2006
    http://www.enigmamusic.com/discography/Aposteriori/Documents/index.htm
    اسمه Aposteriori
    ***********
    viva 80's
    viva hilioplis
    viva ROXI THE CITY OF LOVE
    thanx MIGHTY RABEE3

     
  • At 11:35 PM, Blogger ربيع said…

    ميشا
    ازيك يا هندسة ، انت كمان ليك في روكسي و مزز روكسي؟ ، لوعى تكون ساكن هناك؟!!؟؟

     
  • At 12:24 AM, Blogger misha-lado said…

    الديا كلها في روكسي يا ربيع
    the world begins in roxi
    وللدقة اكتر في الجزء من شارع الاهرام بداية من بوابة نادي هليوبليس مرورا بالملك "شيش عادل" فمحلات توب اللي كان ايطالي ثم جروبي العظيم وصولا للتقاطع العبقري بين اللقاني والاهرام وكان نتاج هذا اللقاء الامفتريون ثم وعلي الجانب الاخر ادهم الذي لم يعد كذلك ثم جنة اب تو ديت واربيز اللي بقي دلواتي حاجة لبناني خنقة كده , مرورا بنورماندي ذات القلب المفتوح بين العمارات وصولا للحرية ثم البازليك وحدائقها الخضراء حيث جنة المنتهي البازليك خلفك والبواكي امامك والنجوم فوقك
    ********
    اه بالمناسبة اوعي تجرب تقعد علي ستار بكس علشان زي الخرا
    ********
    وعلي فكرة الاغنية اسمها جاني بعد يومين مش جالي بعد يومين

     
Post a Comment
<< Home
 
 
عن شخصي المتعالي
مدونات
روابط
كتب
أخبار
Free Blogger Templates
© SprinG
eXTReMe Tracker