Friday, October 26, 2007
صينية البطاطس بالبصل

بعد صينية البطاطس بالبصل ، و قليل من البيبسي ، جلست على الكنبة ذات اللون السماوي ، لابسا شرابي الكحلي ، رأيت الفتاة ذات الشعر الأسود الطويل تجلس الى جانبي ، كانت نحيفه ، ذات وجه اسمر طفولي دقيق الملامح ، تكلمنا قليلا في طرق ترميم المباني الخرسانية ، و لما سألتها إذا ما كانت مهندسه ، وجدت أمها بجانبها ، تحضها على القيام و عمل شيء ما ، كانت بشوشة جدا ، بسيطه في ملبسها و حركتها ، لم تحدد طلبها أبدا ، و لكني فهمت أنها تدعو الفتاه للصلاة ، الواقع أن الدعوى كانت بسيطه و جميلة و مؤثرة جدا ، حتى إن الفتاه قامت و اختفت ، ثم قامت أمها ، ثم قمت انا

posted by ربيع @ 10/26/2007 06:42:00 PM  
9 Comments:
  • At 2:15 AM, Blogger misha-lado said…

    ياله من موضوع شاعري
    طرق ترميم المباني الخرسانية
    صباحو ايدي بوند علي سوبر بلاسيزر يا ربيع
    من زمان وانا نفسي اعمل فيلم او قصة يكون اسمها
    Sex And Concrete
    يلا تصبح علي خير يا جميل

     
  • At 12:52 AM, Blogger ربيع said…

    ميشا باشا
    تصدق الحوار البيزنطي وصل لدرجة ان ادي بوند بتاع كيماويات البناء الحديث أحسن و لا أدي بوند بتاع سيكا؟ يعني الموضوع كان حقيقي و مش تهييس

     
  • At 6:07 PM, Blogger واحدة وخلاص said…

    واضح انه بعد الاهداء فان ابليس سيحزن قريبا

     
  • At 10:35 PM, Blogger misha-lado said…

    اعتقد ان البصل والبطاطس قادرين علي خلق تهيسات شديدة التعقيد حتي ليعجز العقل البشري المحدود عن ادراك اذا ما كانت حقائق ام مجرد تهيسات
    بس مادام وصلت للبناء الحديث يبقي انت كده قربت اوي يا ريس من الحقيقة المطلقة
    "لقد دنوت فكنت قاب قوسين او ادني"

     
  • At 6:10 PM, Blogger أحمد said…

    اخص عليك يا ربيع
    دلوقتى خليت الحساد يشمتوا فينا

     
  • At 7:51 PM, Blogger ربيع said…

    بيسو
    النكتة ان فيه درجتين من العلاقة بينك و بين الحساد

     
  • At 9:38 PM, Blogger واحدة وخلاص said…

    ده على كدة انا بتشتم
    لا وعلاقتى ببيسو قريبة زيادة عن اللزوم

     
  • At 10:21 PM, Blogger ربيع said…

    يا فندم أنتوا على درجة عالية من التقارب ، يعني بينك و بينه شخص واحد فقط مشترك ، زي اللي بيني و بينك كده

     
  • At 10:32 PM, Blogger عزة مغازى - واحدة وخلاص سابقا said…

    النكتة الاعلى
    انى رأيت بيسو بالفعل

     
Post a Comment
<< Home
 
 
عن شخصي المتعالي
مدونات
روابط
كتب
أخبار
Free Blogger Templates
© SprinG
eXTReMe Tracker