دخلت الحفلة لقيت كل الناس مرفرفة ، اللي شاذ و اللي يهودي و اللي بيحشش ، قعدت و انا منمل بأنتخه ، قدامي شفت بنت شكلها كانت بتسمع زمان ، بس دلوقتي محجبة ، لابسه خواتم و حظاظات و هدوم معظمها اسود ، قلت ياه ، الميتال ميتال القلب برضو ، الحفلة ابتدت و شتمنا في أم المدرسة لحد ما نفسنا انقطع ، الحفلة سخنت و دخلنا كلنا في المكنة ، كان نفسي ناس كتيرة تبقى موجوده معايا ، بس اللي تعبان و اللي مشغول و اللي بيجهز عشان يروح القليوبية ، كل واحد مستخبي ورا الحيطه بتاعته ، أحلى حاجه تفاعل الجمهور ، يعني أنا كانت الكلمات بتفلت من بقى ، و بانسى إني جاي أسمع مش جاي أغني ، كمان كان فيه ورايا طقم حيوانات ، حافظين الأغاني أحسن من ووترز نفسه ، واقفين بيغنوا مع بعض ، كان باين عليهم شلة بنت هرمه ، لو اتفرقوا هاينهاروا ، في النص التاني سمعت ارتجالات جميلة جدا من الكل ، خصوصا من الدكتور اللي بيلعب بيز ، فعلا كان مبهر جدا ، مشعشع زي الألماظة المجنونة ، في الآخر قلت يا ريت الواحد كان اتعلم جيتار عشان يقرف أمه ، مش كان زمانه بقى مشهور دلوقتي؟ |
Comfortably Numb
wish i can feel like that