Monday, October 29, 2007
أندروميدا - منمل بأنتخه

دخلت الحفلة لقيت كل الناس مرفرفة ، اللي شاذ و اللي يهودي و اللي بيحشش ، قعدت و انا منمل بأنتخه ، قدامي شفت بنت شكلها كانت بتسمع زمان ، بس دلوقتي محجبة ، لابسه خواتم و حظاظات و هدوم معظمها اسود ، قلت ياه ، الميتال ميتال القلب برضو ، الحفلة ابتدت و شتمنا في أم المدرسة لحد ما نفسنا انقطع ، الحفلة سخنت و دخلنا كلنا في المكنة ، كان نفسي ناس كتيرة تبقى موجوده معايا ، بس اللي تعبان و اللي مشغول و اللي بيجهز عشان يروح القليوبية ، كل واحد مستخبي ورا الحيطه بتاعته ، أحلى حاجه تفاعل الجمهور ، يعني أنا كانت الكلمات بتفلت من بقى ، و بانسى إني جاي أسمع مش جاي أغني ، كمان كان فيه ورايا طقم حيوانات ، حافظين الأغاني أحسن من ووترز نفسه ، واقفين بيغنوا مع بعض ، كان باين عليهم شلة بنت هرمه ، لو اتفرقوا هاينهاروا ، في النص التاني سمعت ارتجالات جميلة جدا من الكل ، خصوصا من الدكتور اللي بيلعب بيز ، فعلا كان مبهر جدا ، مشعشع زي الألماظة المجنونة ، في الآخر قلت يا ريت الواحد كان اتعلم جيتار عشان يقرف أمه ، مش كان زمانه بقى مشهور دلوقتي؟

posted by ربيع @ 10/29/2007 12:47:00 AM  
7 Comments:
  • At 4:31 AM, Anonymous Borio said…

    Comfortably Numb

    wish i can feel like that

     
  • At 5:15 PM, Blogger Bakria said…

    بتذكرني في اليوم اللي كنت بدي اهرب من البيت لحتى اشوفه في واحة السلام
    بس ما هربت لانه ما كان معي مصاري

    :)

     
  • At 7:51 PM, Blogger ربيع said…

    طب و شوفتيه بعدها و لا لسه ماشفتيهوش؟

     
  • At 12:51 AM, Blogger u3m said…

    فيه كلابيظو اللى بيلعب كيبورد وده كان هيتنقط ويفرقع مننا لما جه اسكندرية فى اواخر رمضان وعملوا حفلة فى مكتبة الاسكندرية وكان الحضور لايزيد عن 30 شخص.
    الدكتور بتاع البيز محترم جدا وهو الوحيد اللى حيا الجمهور الضئيل بعد الحفلة ما خلصت .. اما كلابيظو بتاع الكيبورد كان شكله عاوز يسب لنا ميت ملة ويقول انه مش جاى اسكندرية تانى

    اما الليد جيتاريست الصغنون فعمل شغل كويس بالرغم من كام غلطة كده ممكن نعديهاله
    واخيرا الدكتور التانى ابو دقن اللى على الدرامز .. فده بأه شغال درامر ومغنى وعازف جيتار !!! يعنى تقدر تقول عليه كومبو !!

     
  • At 5:06 PM, Blogger الحمقاء المضلله innominate x said…

    hey you::::) mesh dah youm pink floyd ely fel sakya tab3an u had high hopes that im commmin and when i didnt u kept saying to ureself wish u were here :)

     
  • At 5:07 PM, Blogger الحمقاء المضلله innominate x said…

    ah saheeeh helw menamel beantakha......comfortably numb...zareef

     
  • At 2:09 AM, Blogger ألِف said…

    أنا لسة عندي أمل أني في يوم من الأيام هاتعلم "الجيتار الواطي".

     
Post a Comment
<< Home
 
 
عن شخصي المتعالي
مدونات
روابط
كتب
أخبار
Free Blogger Templates
© SprinG
eXTReMe Tracker