Tuesday, November 20, 2007
فوزيات 2

زارنا السيد الرئيس محمد حسني مبارك في مدينة السادس من اكتوبر ، تشرفنا بزيارته ، و لو ان حراسه سدوا المنافذ و وضعوا العراقيل و الحواجز أمامنا ، و لكن الزيارة أثمرت نجاحا هائلا للمدينة ، أثر عليها لسنوات طويلة ، علق عم فوزي في الزحام و الحواجز ، بينما لم أعلق انا ، فأنا مهندس و هو رجل بسيط ، و شتان بيني و بينه ، عاد عم فوزي الى المكتب غاضبا ، بينما كان الجميع مسرورين لزيارة حبيبنا الرئيس ، جلس عم فوزي يتمتم بالشتائم ، و لما سألته اشتكى من الزحام الذي سببه السيد الرئيس ، قلت له و لكن هذا الزحام في صالحنا يا عم فوزي ، ففي زيارة سيادته انماء كبير للمدينة! فبدأ عم فوزي شكواه المعتاده من ضيق الحال ، و قال:

يعني انا لو شفت حسني مبارك قدامي ، هاقله الحقني هاموت من الجوع؟

قلت له : امال ايه يا عم فوزي؟ هاتعمل ايه؟

قال : هاقتله على طول ، و بعد قليل من التفكير قال : هاشخرله! ، و بعد تفكير آخر لوح بيده و قال بيأس : هاسيبه و أمشي

عم فوزي رجل غلبان ، و ربما يغضب بسرعه كالمصريين ، و لكنه يهدأ بسرعه مثلهم أيضا ، و هو بالتأكيد يحب السيد الرئيس و لا يقصد أي اساءه

Long live HOSNY MUBARAK

posted by ربيع @ 11/20/2007 09:26:00 AM  
3 Comments:
  • At 12:26 PM, Blogger سها said…

    كلنا عم فوزي

    تحياتي

     
  • At 1:26 PM, Blogger misha-lado said…

    لو قصدك علي اليوم الللي كان من سنه فاليوم ده كان جامد جدااااااااا
    كانت البلد مقسومة نصين بالطول من عند المحور اللي برة وبالتالي محدش من اللي في الناحية دي عرف يعدي الناحية التانية
    انا يومها كان عندي صب ارضية(دكة) في النص اللي برة ناحية السياحية كده بس روحت ابص علي موقع تاني في الحي الاول ومعرفتش ارجع وكل شوية اتصل بريس الطبلية يقولي كل تمام يا هندسة
    روحت تاني يوم بعد الحصار ما خلص لقيت الارضية فيها فرق منسوب نص متر ورا عن ادام والراجل بتاع الطبليه جاي بيقولي عاوز 1000 جنية مع انهم كانوا كلهم ميجوش 40 متر علي بعض
    *********
    اجمد حاجة بأه يومها انi اصلا مرحش بالعربية ده كان رايح بالطيارة
    هئ هئ هئ
    احا(متوسطة الحدة-ولا داعي للاصوات الحلقية)0

     
  • At 11:40 PM, Blogger ربيع said…

    انت زميل بقى
    لو عايز طبلية كويسه قول ، اليوم ده كان من 4 سنين تقريبا ، كنت باشطب عماره في الحي التالت على المحور ، و كاشف المحور كله ، شفت الموكب معدي علينا و عم فوزي كان بيبص من البلكونه معايا

     
Post a Comment
<< Home
 
 
عن شخصي المتعالي
مدونات
روابط
كتب
أخبار
Free Blogger Templates
© SprinG
eXTReMe Tracker