ربنا ما يقطع لك عادة
:)

أعتقد كانت تبقى قوية جدا لو فيه لينكات مع كل صورة , لان فيه ناس ماعرفتهاش
أعتقد كان ناقص صور كريم عامر و عبد الفتاح مراد و خالد صالح و الشيخ البدري و كمال أبو عيطة و نورا يونس و يحيى حسين

رجاء بلمليح و نوال أبو الفتوح .. ليه ؟

مستخدم أحمد بسيوني منوّر ,
تحية خاصة للمجر .
:)

 

لقيت البدري و كريم و عبفتاح موجودين
لامؤاخذة , العتب على النظر

 

رجاء بلمليح ماتت بعد اصابة بالسرطان في نصف العام تقريبا
و موال ابو الفتوح ماتت في أول العام
نفس السؤال سأله جار القمر ، يمكن برضو أحد المميزات ان الصورة بتفكرني باللي حصل السنة اللي فاتت
موضوع اللينكات ده كان في دماغي ، مجرد فكره و انت عارف طبعا موضوع الكسل بيخليك ماتعملش أي حاجه ، على العموم انا ماعرفش هي بتتعمل ازاي ، لو انت تعرف قلي و انا أعملها السنة الجاية

 

فين صورة عم فوزي

 

يا لادو عم فوزي شخص سرمدي و لكل العصور

 

مش حاببها

السنة اللى فاتت كانت احلى

 

جيمي هود
و الله أنا بافكر السنة دي أعمل خليط من الفكرتين
ايه اللي مش عاجبك بالظبط؟

 

احه احه يعنى
انت حاطط صورة هيثم قبلي
غير مكان صورتى ورقمها وخليها جنب بوبي

 

يعني مش عايز صورتك تبقى جنب الناشر بتاعك!!! ماشي يا عم ، هافتن عليك

 

" هسيب مكان الصورتين فاضيين لحد اخر السنة ، ممكن تحصل حاجة ", يا سلام على بعد النظر
احيى فيك حاستك التاسعة يا استاذ ربيع

 

برضو مانفعش ، كان المفروض أحط صورة جمال بدوي ، بس كنت خلصت الصور كلها و مارضيتش أحذف حاجه
فين المتشابقين بتوع جايزة ريعو على وزن جايزة بيزو

 

يعنى مع كامل احترامى للناشر بتاعى
بس بوبي اهم

 

مع كامل احترامي للجميع ، أظن انها أهم منك و منه و مني شخصيا
و أظن ان هو كمان مؤمن بانها أهم منه هو شخصيا
انا شكلي هانفضلك و احط صورتي جمب صورتها

 

ولش وليد عيد لحالو. شو ها الطائفيه هاي يا سيد ربيع.

طبق مبدأ الستة وستة مكرر

:-)

I knew 53 names.

 

هلال باشا
انا حطيت صور اللي ماتوا عندكوا ، و ماتورطنيش في الطوائف بتاعتكو ، انا لحد دلوقتي باحاول أفهم اللي حصل في الحرب و مش فاهم
و ممكن كمان يكون حد مات و نسيت احط صورته
و عشان الخيبه التقيلة ، انا نسيت أساميهم!!! مين وليد عيد؟؟؟
فيه وجوه مصرية كتير غير مشهورة عالميا ، غير المصريين لو عرفوا 100 اسم يبقى كفاية عليهم و يكسبوا الجايزة

 

مش عارف يا ربيع

السنة اللى فاتت كان البوستر صاخب و تحس الاحداث فيه و تقدر تميزها و تطلعها بكذا طريقة و كمان كانت ترتيبها عشوائى المرة دى خنيقة قوى انها ورى بعض كدة و منظمة

المرة دى عبارة عن اشخاص و بس و حتى فى ناس فيهم مالهمش لازمة و لا عملوا حاجة طول السنة محشورين حشر كدة

انت يا معلم خنتنا و بقيت تقبض و تظبط الناس

 

يا بيسو لو سمحت كل واحد جنب بتاعه و مش عايزين تهريج بقة

 

كلام جميل يا جيمي
هو في الحقيقة ماحدش قال على بوستر 2006 وحش ، و بالتالي ده معناه ان البوستر ده اقل منه بكتير ، الفكره بتاعتي ان يكون فيه نوع من التغيير في فكرة البوستر تجنبا للملل و التكرار
بصفتك راجل بتفهم في الحاجات دي ، عايز احط على الصورة تاجات للشخصيات ، و رابط على كل وش ، تتعمل ازاي دي؟

 

مين رقم 68 ؟؟

 

خوليو
يا عم المسابقة انك تتعرف على الوجوه مش انك تسألني
هو واحد فرنساوي مات السنة اللي فاتت

 

طريقة اتش ام ال سهله
----
قطع الصورة الكاملة لصور صغيرة صورة لكل شخصية

أستخدم برنامج فرونت بيج و قم بوضع الصورة جنب اختها فى نفس ترتيب البوستر

اهمل لينك و
alt
لكل صورة ممكن تستخدم صفحات الويكى

بعدها روح على الكود فى الفرونت بيج و انسخ الموجود

و ضيفه فى محرر البلوجر

-------------

الطريقة التانيه

لو عندك اكونت فليكر تقريبا فليكر عمل خدمة جديدة ممكن تكتب فيها و تعمل تاج لاماكن فى الصورة بس تقريبا للبلاداو حاجة زى كدة هاشوفلك انا الخدمة دى تنفع و لا لا

 

بص يا ربيع الطريقة التانيه اسهل

لو عندك أكونت على فليكر لو مش عندك ممكن تعمل بايميل الياهو

أرفع الصورة و بعد ما ترفعها ادخل على صفحة الصورة هاتلاقى ايقونات فوق الصورة فيها ادوات التحكم فيها

اول ايقونه شمال

ADD NOTE

دوس عليها هاتفتحلك مربع لتحديد مكان التاج و مكان أصفر لكتابة نوت عن المكان دة فى الصورة تحفظ على كدة

بس هايبقى قدامك انك تعمل لينك للصورة على الفليكر لانها تقريبا مش بتحتفظ بالتاجز دى لو اخدها فى مكان تانى برة الفليكر

انا عملتك مثال هنا

http://www.flickr.com/photos/gemyhoood/2140690111/

 

جيمي
كلام جميل جدا ، عايزين نتقابل عشان فيه فكره بنت هرمه في دماغي ، للسنة الجاية

 

انا شايفه ان الصور كتير جدا في ناس كتير صورها مالهاش لازمه مش هقولهم كلهم بس البعض

اوبرا وينفري دي شخصيه لكل عام مش 2007 بس

اسامه بن لادن مكانش له احداث تذكر في 2007

والبت بتاعه ميلودي مش عارفه بتدوها اهميه دي دي اقل من انها تذكر اصلا انتوا شهرتوها علي الفاضي في حين ان البنات اللي بتعرض جسمها في مصر والعالم كله كتير كان اولي تجيبوا شعار ميلودي او الواد الممل بتاع الاعلان

وفي برضه واحده مغنيه تقريبا سعوديه مش عارفه ايه لازمه صورتها

وغريبه قوي صوره شريهان

ولبني عبد العزيز النايتي

والممثل بتاع زورو

والمذيعه بتاعه حكاوي القهاوي

وعمرو اديب كان اولي تجيب عماد اديب

وباريس هليتون كان اولي تجيب بريتني سيبرز

ونسيت صدام حسين ونسيت خديجه سيده مصر الاولي مستقبلا

بس كده كفايه تعبت

 

ومتهيألي كمان نسيت فؤاد الفرحان

دي حصلت في شهر 12

 

وبناظير بوتر

وساركوزي وطليقته

مش عارفه شفت صوره ايميل لحود ولا لا

شكلي هفضل رايحه جايه عليك

 

غير معرفه
اوبرا وينفري معاكي حق فيها ، هي السنة دي أغنى اعلامية في أمريكا ، و بعدين صديقه قالتلي نفس جملتك
ايه رقم المغنيه السعودية؟
شيريهان و أديب بطلا حدث واحد ، هو عمل معاها لقاء ، يعتبر أول لقاء من سنوات طويلة
المذيعه بتاعت حكاوي القهاوي ماتت اول السنة
لبنى عبد العزيز عملت مسلسل باين ، مش عارف بقى اتعرض في رمضان و لا لأ
قصدك سلمى حايك بتاعت زورو ، خلفت السنة دي
باريس هيلتون اتحبست!! سبيرز مش عارف اتحبست و لا لأ
صدام حسين مات السنة اللي قبل اللي فاتت ، هاحطه ليه؟
و خديجة موجوده يا فندم رقم 63
فؤاد الفرجان فعلا نسيته
أما الباقي فموجودين دوري كويس

 

شكرا على فاطمة بوتو
:)

بس أنا لغاية دلوقتي حتجنن .. ليه يعني أول صورة تقع عيني عليها صورة أنطوان غانم؟ مش كفاية 26 ساعة في الشغل يومها؟؟