Saturday, December 01, 2007 |
أنا أحب القنبلة النووية |
بمناسبة هذه التدوينة العظيمة كثيرا ما فكرت في نفس الموضوع ، و لكني لم أبح بالفكره لأحد ، و عندما نطق بها أحد زملائي في لحظة غضب ، تأكدت أني لست الوحيد ، بعد ذلك اكتشفت أن ناقدا سينمائيا مهما يفكر في نفس الفكرة ، و لو أن تمنياتي كانت تتلخص في قنبلة نووية صغيره ، بينما هو يؤمن بان لا حل سوى الإباده سألني أحدهم عن مشاكل المصريين الاجتماعية و السياسية ، فكرت قليلا و وجدت كما هائلا من المشاكل يظهر أمامي ، شكاوى عده يشترك فيها المصريون ، بضنت - هل هناك أساس علمي للكلمة؟ - صرفت الفكرة عن تفكيري ، و رأيت بعدها تدوينة عبد الرحمن عن مصر بعد القنبلة النووية ادرك تماما أن حالنا سيتحسن كثيرا بعد القنبلة ، ستختفي العلوقية و الكسل من المجتمع بالتأكيد ، أيضا سيقل عددنا كثيرا ، سيهبط الجنيه الى ادنى مستوى ، سنعود مره أخرى للمقايضه ، لن نرمي الفضلات في النيل ، لن تعمل المصانع من الأصل ، لن نصنع البلاستيك ، و ربما نعود لنشرب من النيل فعلا ، ما هذا الغباء!!! و ماذا عن التلوث الإشعاعي؟ اذن يكفي القضاء على عدة ملايين من المصريين ، على الأقل سنحل مشكلة الزحام الأبدية و حسب نظريتي التسلسلية للأحداث الكارثية ، تساءلت كثيرا ، أين يمكن اسقاط القنبلة النووية ، قنبلة واحده فقط ، تسقط بحيث تبيد أكبر عدد ممكن من المصريين ، هل هناك اقتراحات؟
|
posted by ربيع @ 12/01/2007 11:44:00 PM |
|
25 Comments: |
-
الحياة المستدامة العاقلة في مصر لا تتحمل أكثر من 20 مليونا من الناس. الأمر سيتطلب قنابل صغيرة تكتيكية في كل أنحاء دلتا مصر، بدءا من شبرا الخيمة و انت متدلي، و اثنين علشان خاطري في كوم حمادة. بس لازم نحذر العزيزين ميشا و لادو، خصوصا أن مشمشة بكالريوس فلسفة؛ بكالريوس إيه؟ بكالريوس فلسفة
أما إذا كنت مهتما بإصلاح البلد، فعليك بقراءة فصل النووي في البرنامج الإصلاحي للجماعة الإصلاحية، و هتعرف أنك المفروض تنتخب الإخوان، لأن الإصلاح هو الحل.
تسمع عن بوب هنتر؟ أولد بوب بدأ بتأسيس السلام الأخضر قبل اقتناعه أنها منظمة إصلاحية--سلام أخضر على الشباب--، فاستقال و اتجه للإرهاب البيئي. الأول اشترى قارب صيد حيتان، و بقى ينشن على الصيادين ال بينشنوا على الحيتان، و بعدين درع مقدمة القارب و بقى يدخل في قوارب الصيادين علشان يغرقهم. أصلهم مش فاهمين أن "الكوكب مش كوكبنا. دا كوكب الحيتان".
القنبلة النووية أيضا تحبك.
-
تصحيح: المرحوم بوب هنتر إصلاحي. الإرهابي هو بول واتسن: "الخيار كله لهذا الجيل، فلن يكون للأجيال القادمة الخيار، و لم يكن لمن سبقونا البصيرة أو العلم. الأمر يرجع لنا -- أنت و أنا".
واحد منهما باع نفسه للشيطان.
-
نحن نختلف كثيراً عن الغرب ، فلدينا حلولاً مغايرة عن عنهم ، فالقنبلة النووية هي الإيمان الذي سينفجر يوما ما وتنتشر بعدها العدالة الألهية ويسود الأمن الأرض
-
عزيزي روح و جسد نعم نحن نختلف عن الغرب ، فهم لا يقضون على السكان بانفجارات نووية ، وبالتأكيد نحن نختلف عنكم ، فنحن لا نبني جزرا في البحر
-
طبعا علي شارع البطل احمد عبد العزيز في المهندسين الساعة 4 العصر ويكون يوم خميس او في ايه مكان بالقاهرة بس بشرط توفير غلاف واقي علي الحدايق ومصر الجديدة حتي لا تتأذي المباني والشوارع ******** ويمتاز هذا الشارع بتمركز اكبر عدد من كائنات الاميبا والحيوانات (البهايم) لكنهم بهايم لابسة بدل وشايلين شنط و موبيلات ولاب توبس وانا في رايي ان دول من اكتر السلالات اللي لازم تباد في البلد دي
-
-
احييك يا ميشا باشا ، يعني احنا بيننا توافق رهيب فكريا ، بس المشكلة انك زملكاوي و قدي مرتين من الناحية الجسدية
-
طبعا .. روكسي يعد الكلية الحربية وانت طالع او شارع جامعة الدول العربية الضهر او في شهر سبعة او تمانية ونبقى عملنا معروف إقليمي كبيييييير وكسبنا في المنطقة ثواب
-
بلو ستون حرام عليكي يا شيخه! مالها روكسي و مالها الكلية الحربية؟ اصلا دي بيعيده عن دي ، و الاتنين مكانين حلوين و اللي بينهم مكان جميل
ايه اللي مضايقك من المكان ده؟
-
كشري فودة في حلوان الساعة 2 الظهر ( نفس ميعاد الطلعة الجوية) أومحطة مترو الخلفاوي او حلوان - او محطة انورالسادات زي كتكوت مارينا والساحل الشمالي في 25/8 ميعاد حفلة عمرو دياب سوق الخميس اخر خميس قبل دخول المدارس عشوائيات الدويقة بس ديه لازم تتضرب بالليل ساعة رجوع الحرامية الصغيرين والهجامة مبني التليفزيون وخصوصا وقت طلوع محمود سعد ع الهواء ف البيض بيضك صدقوني المشهد ده ممكن يطهر قلوب ناس كتير بس الله يخليكم خدوا بالكم بلاش تفجروا كشري التحرير اللي جنب المبني عشان ده هيكون المتنفس الجديد لاناس تانين
-
ساعد نسرين الأيمن ممتاز جدا ، اقتراحات غاية في الرقة
-
lol ** الأمنية دي ذكرتني لا إراديا كمان بموضوع كان أثير من سنوات عديدة، عن ان اسرائيل هددت بضرب السدالعالي حسب ما قال وزير اسرائيلي مخبيش عليك انه الخبر أياميها، من 7 أو 8 سنين تقريبا خلاني أفكر في مصير مصر بعد الطوفان، كانت هتبقى ملحمة جديدة على أرض مصر وقتها ادعى البعض إنه السد العالي هيغرق البلد ويعمل موجة كبيرة تغرق جزيرة قبرص كمان.. خيال مش عادي ** الفكرة اللي جت في بالي انه مين اللي هيرث مصر..؟ البعثات الدبلوماسية أقباط المهجر، العاملين في دول الخليج، سكان الواحات وسيناء ** أما بالنسبة لفكرة القنبلة فالميزة فيها انها هترفع الروح المعنوية للمصريين لأنهم معروفين مش بيشتغلوا الا مع التحديات الكبيرة، ويظهر معدنهم الأصيل، طبعا ده للي هيتبقى منهم :D
-
عبدو باشا السد العالي هدف معروف ، الجميل ان حصل نقاش كبير في الكلية حوالين تأثير القنبلة على السد ، فيه ناس قالت ان جسم السد هايسحمل الضربة ، بس هاينهار مع مرور الزمن ، و كمان الانهيار هايكون جزئي غير كامل ، و بالتالي مافيش موجه ولا حاجه ، بس فيه غرق شامل السيناريو الكارثي ده قلل من مصائب القنبلة الفجائية ، بس نسي تماما التلوث الرهيب اللي هايحصل في مية النيل ، يعني حتى لو السد ماحصولش انهيار فبحيرة ناصر هاتتحول لخزان ضخم من الميه الملوثة لحد دلوقتي ده أحسن اقتراح ، يظهر الاسرائيليين بيفكروا أحسن مننا في النهاية
-
تاعبين نفسكم جدا سبب الانفجار السكانى والتخلف العقلى المنتشر هما مفرختى القبة الثانوية وجارتها سراى القبة الثانوية لو قضينا على هاتين البؤرتين ، لقضينا على كوارث عديدة قادمة اه ولا ننسى فى هذا الصدد مكتب السيدة المبجلة سوزان القلينى رئيس قسم الاعلام باداب عين شمس لما لها من اسهام جم فى حالة التلوث الاعلامى التى تعانى منها البلاد هى ومن على شاكلتها
-
عزه اوعي تكوني ساكنه هناك!!! نبقى جران و انا مش واخد بالي
-
ايه الأخبار يا أبو ربيع...؟!!! سبحان الله , ساعة ما ارجع ابص عندك - اعذرني أصل كنت مبطل مدونات لظروف يطول للغاية شرحها - ألاقيك بتتكلم عن القنابل النووية ! لأ و هتترمى فين ؟ في مصر !!!! طب والله أحلى كلام. هتترمى فين , ده سؤال اجابته محتاجة تكوين لجنة من خيرة أساتذة الهندسة النووية -ايوة بتاعة السويس - و ده عشان يكونوا لجنة تختار اللجنة اللي هتحدد اذا كان ممكن يتم الوصول لاجابة عن هذا السؤال العويص . و في النهاية الناس هتكون ماتت مبضونة و ولا الحوجة للقناابا النووية و الكلام اللي يودي في داهية ده
-
اوعى تكون من رفاق القبة الثانوية كمان ؟
-
حكشة فينك يا استاذ ، دا انا كنت نسيتك ، انا باخد رأي الشعب ، فين بالظبط نضرب الشعب ، غالبا هاتلاقي واحد مخنوق ياطلع يقول فرقعها فوق بيتنا عشان أخلص عزة لا يا فندم ، بس انا ساكن قبلها بشوية ، يظهر اننا جران فعل
-
لستما وحدكما في هذا !!
أقترح تدمير المهندسين بأكملها و بالذات شارع شهاب و المول القبيح بلاتينوم و محل التوحيد و النور.
أقترح إبادة بولاق الدكرور و أرض اللواء عن بكرة أبيهما. ثم تسوية المساحة و اعادة بناءها و اعادة توزيع أهل امبابة على المساحة المجتمعة للثلاثة مناطق.
تدمير فيصل و الهرم و الطالبية و العمرانية بالكامل، لأنها مناطق كئيبة بنت وسخة و شارع فيصل ده بالذات بيجيب لي انقباض في صدري لما بادخله من الاكتئاب. و لتصبح المساحة كلها حرماً للأهرامات و ماحولها من أماكن سياحية.
اقترح قنابل تكتيكية في أماكن تجمع المثقفين في وسط البلد يوم خميس بالليل. بس مع المحافظة على العمارات القديمة و البازارات.
أقترح ترك عابدين و السيدة زينب و دائرة القصر العيني و جاردن سيتي و المنيرة كما هي.
قنبلة على مدينة نصر لأني باكره الحي ده لله في لله.
طبعاً لازم واحدة على الاسكندرية و نعيد تعمرها بناس قاهريين مؤدبين مابيعرفوش يشخروا و بيعرفوا يعاملوا الناس بطريقة أحسن و مافيهمش داء التناكة-لأسباب-غير-مستحقة.
المنصورة عشان بيسو يرتاح من الإخوانجية اللي مضايقينه هناك.
المنوفية طبعاً.. مش عارف نسيتوها ازاي.. بصراحة أنا ماعنديش مانع نشيل وجه بحري كله عشان مش طالبة الفلاحين بلؤمهم و خبثهم و لزوجتهم.
الحي العراقي بستة أكتوبر بأكمله، إحنا مش ناقصين لاجئين و وجع دماغ.
و اتركوا المعادي و الزمالك أرجوكم لأنها الأماكن الوحيدة التي تشعرني بالراحة في هذا البلد. و لو إني مش حاكون موجود عشان أشعر براحة لأني حاروح مع قنبلة المهندسين.
-
ممممم شريف باشا نجيب ، انت فين يا عم!!! هو انت قفلت البتاع خالص ولا ايه؟ مش معقوله الحاجه اللي بتعملها مطولة قوي كده ، كمان ما انت ممكن تعملها و تجربها و تسيبه شغال ، ده على حد علمي يعني انت شكلك حاطط خطة تكتيكية من زمان ، ناقص تقلنا على الاحداثيات اللي القنابل هاتترمي عليها ، بس يا عم دول كتير أوي ، ده مش هايتبقى حاجه من البلد كده محل زي التوحيد و النور المفروض يعدم رما بالطوب ، القنبلة هاتكون رحمة بالنسبه له ، أو نتجمع كلنا ، نركب طيارات هليكوبتر ، و نتبول على سطح العمارة لحد ما تقع الهرم معاك تماما في اللي انت عايز تعمله فيه ، و كذلك المهندسين و معاك تماما في موضوع مدينة نصر ، بس نطلع منها محمد يحيي و ميريهام حسين خلي بالك ، انت ممكن دائما تطلع من المكان قبل ما القنبلة تفرقع ، و تقعد في المعادي او الزمالك زي ما تحب
-
انتو نسيتو اهم مكان لازم نرمى فيه القنبله بجوار نادى هليوبليس بشويه وكده مصر كلها هاترتاح
-
تدوينة عبده باشا عظيمة فعلا، و التعليقات المتسلسلة التي بعثتها أروع.
روح و جسد، أي إيمان تقصد؟ كل واحد ماشي في الشارع مؤمن تماما أن كل هذا ليس خطؤه.
ساعد نسرين الأيمن، رقتك بادية فعلا؛ عينتك كومندان عموم الضربة النووية الأولى أيها المهيب الركن.
اطمنوا، إن ما كانتش قنبلة فالكارثة جاية: النهاردة سمعت واحد في الراديو بيقول أن مصر لازم تبني مفاعلات نووية لأن نسبة البطالة في خريجي تخصصات العلوم النووية و تطبيقاتها عالي جدا.
شريف نجيب: تعليقك من أحلامي. لكن القنابل ال تلزمك لوسط البلد هي القنابل النيوترونية.
ربيع: الفلم ال قصدك عليه من روائع طفولتي "Dr. Strangelove: Or how I learnt to stop worrying and love the bomb"
لأ يا تشيتوس، سكان المربع المجهول المجاور لنادي هليوبوليس لازم يتربطوا في القنبلة ال هتسقط على العمرانية.
-
ألف تصدق ان أول مره أشوفه كان في برنامج أوسكار ، احترمت جدا التلفزيون المصري يوم ما اتعرض
-
ربيع : لأ مشكلة المدونة مش من النوع اللي ممكن تجرب فيه بينما المدونة شغالة. دي مشكلة من نوعية "يا اشتغلت يا خربت".. و بيني و بينك أنا في بيات شتوي كده كده فمش فارقة .
ألف: أيواا.. هي النيوترونية دي.. ربنا يكرمك يابني :)
-
للأسف التعليقات خرجت من الخط الأساسي للتدوينة لأفكار عنصرية بغيضة!! المهم انا شايف ان الحل الاقرب للواقع هو إنفلونزا الطيور، كان لسا حد بيقول في الشغل إن تقرير من WHO بيتوقع ان ثلث سكان مصر ممكن يموتوا من جراء انتقال المرض بين البشر، الحقيقة اتبسطنا جداً كلنا، وقعدنا نتخيل قد ايه المرور هيكون مريح والتعليم هيتحسن
|
|
<< Home |
|
|
|
|
عن شخصي المتعالي |
|
مدونات |
|
روابط |
|
كتب |
|
أخبار |
|
|
|
|
الحياة المستدامة العاقلة في مصر لا تتحمل أكثر من 20 مليونا من الناس. الأمر سيتطلب قنابل صغيرة تكتيكية في كل أنحاء دلتا مصر، بدءا من شبرا الخيمة و انت متدلي، و اثنين علشان خاطري في كوم حمادة. بس لازم نحذر العزيزين ميشا و لادو، خصوصا أن مشمشة بكالريوس فلسفة؛ بكالريوس إيه؟ بكالريوس فلسفة
أما إذا كنت مهتما بإصلاح البلد، فعليك بقراءة فصل النووي في البرنامج الإصلاحي للجماعة الإصلاحية، و هتعرف أنك المفروض تنتخب الإخوان، لأن الإصلاح هو الحل.
تسمع عن بوب هنتر؟ أولد بوب بدأ بتأسيس السلام الأخضر قبل اقتناعه أنها منظمة إصلاحية--سلام أخضر على الشباب--، فاستقال و اتجه للإرهاب البيئي. الأول اشترى قارب صيد حيتان، و بقى ينشن على الصيادين ال بينشنوا على الحيتان، و بعدين درع مقدمة القارب و بقى يدخل في قوارب الصيادين علشان يغرقهم. أصلهم مش فاهمين أن "الكوكب مش كوكبنا. دا كوكب الحيتان".
القنبلة النووية أيضا تحبك.