Thursday, January 24, 2008
كتب جديدة في المعرض

كتب جديدة في المعرض

إشكالية الدولة الشمولية : الخلفاء الراشدين نموذجا

رشيد عبد الحق رضا

رشيد رضا مؤرخ لبناني ممتاز ، يسبر أغوار التاريخ و يقرأ ما بين السطور ، في هذا الكتاب الشيق يعيد قراءة تاريخ الخلفاء الراشدين بوجهة نظر أخرى مختلفة عن وجهة النظر السنية و الشيعية

أساطير أم معجزات؟

تأليف : مايكل ج هارت

ترجمة : اقبال على

يفند المؤلف بهدوء و بمنطقية المعجزات الدينية المذكورة في الكتب الدينية الثلاث ، عمل ضخم يستحق القراءه ، لولا هفوات ظاهره هنا و هناك

الكتابين من نشر دار أزمنة الأردنية ، في سراي سبعه ، حصلت عليهما بصعوبة من الناشر ، في البداية أنكر أن الكتب من اصداره ، و لما تأكد من أني شخص عادي و لست من الرقابة ، باع لي الكتابين

نصوص ابن الراوندي

جمع و تحقيق : نعمان جمعه

هذه نصوص أشهر ملحد في تاريخ الإسلام ، ابن الراوندي ، احرقت معظم كتبه لولا صفحات متناثرة هنا و هناك ، جمع هذه الصفحات من عدة مكتبات نعمان جمعه ، تبدو النصوص ناقصة في كثير من الاحيان ، بذل المحقق حهدا كبيرا لفك ألغاز و طلاسم النصوص و محاولة ايضاحها للقارئ

الكتاب من اصدار المركز الثقافي العربي

هناك الكثير من الكتب الأخرى المميزه ، اخترت الثلاثة السابقين لأهميتهم

posted by ربيع @ 1/24/2008 09:23:00 PM  
13 Comments:
  • At 10:32 PM, OpenID عمرو غربية said…

    فات ربيع أن يذكر أن اليوم مخصص للناشرين، و أنه لا سبيل لغير الناشرين مثله، و هو المهندس المحترم، للدخول إلا بالركوب في سيارة شحن زي تباعين البيبس.

    مثلا!

     
  • At 10:46 PM, Blogger ربيع said…

    الحقيقة الأكثر مرارة ان بعد ما الواحد اتسنكح على السواق ، اكتشفت ان السادة المسؤوليين فتجوا الأبواب على الظهر بشكل عادي تماما للجمهور ، و كأن تضحيتي و تناحتي لم يكن لهم أي لازمه

     
  • At 8:05 PM, Blogger عزة مغازى - واحدة وخلاص سابقا said…

    طب وايه التاكيدات اللى ممكن اديها للناشر عشان يرضى يبيعلى الكتب ؟؟؟؟؟؟؟؟؟؟؟؟؟

     
  • At 10:35 PM, Blogger ربيع said…

    انتي يا هانم بالذات تبعتي حد يجبهملك ، مش فاكره الناس كشت منك ازاي؟

     
  • At 3:30 AM, Blogger عزة مغازى - واحدة وخلاص سابقا said…

    تؤ
    ماشى يا استاذ ربيع
    ده على اساس انى عو مثلا
    انى واى انا شكلى ميديش صحفية لو ماعلنتش عن هويتى المهنية محدش هياخد باله
    وحضرتك عارف ده اعتقد
    عموما هجرب واتمنى ان يخيب الله ظنك فى واعرف اجيب الكتب

     
  • At 3:37 AM, Blogger عزة مغازى - واحدة وخلاص سابقا said…

    ممكن استاذن حضرتك فى انك تقوللى
    المركز الثقافى العرب فى سراى كام بالظبط

     
  • At 8:29 AM, Blogger ربيع said…

    على العكس يا فندم ، الشكل مش مهم بدرجة الطريقة اللي بتدخلي بيها على الناس ، انتي شكلك صحفية قرارية ، من غير ما تعلني شخصيتك و لا حاجه ، تخيلي بقى الأفندي اللي عرف يهرب كام نسخه بالعافية و هو عارف انك صحفية و بتطلبيها منه ، و ما يتبع ذلك من مقالات و أخبار تودي الراجل في داهية

     
  • At 10:20 PM, Blogger عزة مغازى - واحدة وخلاص سابقا said…

    حسبى الله ونعم الوكيل
    وشكرا على المجاملة ربيع باشا

     
  • At 11:02 PM, Blogger عزة مغازى - واحدة وخلاص سابقا said…

    تؤ الاختفاء الغامش ده مش لطيف
    شكل صاحب دار النشر بيدبر عملية انتقامية بعد السياح ده كله

     
  • At 8:25 AM, Blogger ربيع said…

    انا موجود اهو ، يا ريت صاحب دار النشر مايزعلش ، انا برضو عملتله دعاية ، و مستعد زي ما قلت اعمله كتاب بنفس الاسم ، عشان نبقى صافي يا لبن

     
  • At 5:22 PM, Blogger GEMYHOoOD said…

    This comment has been removed by the author.

     
  • At 5:24 PM, Blogger GEMYHOoOD said…

    كنت مخطط انى اشوفك فى المعرض بس كان عندى مستشفى و تحاليل و قرف طول الاسبوع

    حتى اليوم اللى روحت فيه المعرض روحت اجيب الكوميكس اللى كنت حاجزها و كانت الساعة تقريبا ستة و نص حاول تبعتلى رقم تليفون ليك على ايميلى

    mr.gemyhoood@gmail.com

     
  • At 10:41 PM, Blogger عزة مغازى said…

    ما زلت بانتظار عرض الكتاب بعد ان استحال العثور عليه
    :(
    :)

     
Post a Comment
<< Home
 
 
عن شخصي المتعالي
مدونات
روابط
كتب
أخبار
Free Blogger Templates
© SprinG
eXTReMe Tracker