Monday, August 11, 2008
هطم و الخمارات العربية المتحده

مؤامرة جديدة تقوم بها شركات خماراتيه خاصه للايقاع برجل الاعمال المصري هطم ، فبعد انتشار شائعات مغرضه عن علاقته بمقتل المغنية جلفدان سمسم ، و أن أحدهم اعترف بأن هطم قد دفع له مليوني دولار لقتل جلفدان ، تبين للعدالة كذب المتهم ، و أن المحرض الحقيقي مجموعة من رجال الاعمال من دولة الخمارات العربية المتحدة ، فقد شعر رجال الأعمال الخماراتيون بأن مشروعات هطم في مصر ستوقف حال مشروعاتهم ، و أن شقق هطم تباع اسرع من شققهم ، و هكذا قرروا الاتحاد ، لانهم تابعين للاتحاد ، و أن يدبروا مكيده ل هطم لتدميره و تدمير مدينته الجديدة ، فراحوا قتلوا جلفدان و هي لا لها في الثور و هي لا تأكل العيش المخبوز من الطحين ، عشان الرجيم ، و اتفقوا - الخماراتيين - على أن يدفعوا أحد المصريين الأغبياء للاعتراف بالجريمة ، و أن يدعي أن هطم هو من وزه و هو من بطه ، و لكن الله سلم

و لهذا ، و من هذا الممبر ، أدعو كل حر على أرض الكنانة ، للانتقام من الخمارات العربية المتحدة بأي شكل ، ان شاله حتى ماتشربوش بيريل ، المهم تحسروهم و يجيبوا ضرف جزات اللي عملوه في هطم الغلبان

posted by ربيع @ 8/11/2008 08:40:00 AM  
8 Comments:
  • At 1:29 PM, Blogger بنت القمر said…

    الغريبه جدا ان الضابط اعترف علطول رغم انه ضابط وعارف الضغوط اللي ها تتمارس عليه
    انه اللي حرضه...هطم:)) ورغم انه قبض المليون دولار
    كأنه قتلها عشان يعترف علي هطم!!!تحياتي

     
  • At 3:25 AM, Blogger أحمد said…

    لا اوت منك المرة دى
    مفيش اى مؤامرة من الاخوة الخمارتين
    الراجل الصيف اللى فات حضرتك كان نجم الساحل الشمالى هو والمزة
    ---
    كمان انت نسيت الاشاره لحاجة مهمة
    ان طلعت مصطفى دلوقتى حضرتك عمال يغرق الصحفيين وناس في الحكومة شقق باسعار شبه مجانية
    اعتقد دا له دلالة

     
  • At 7:47 AM, Blogger ربيع said…

    اوبااااا ، و النبي انت بتجيب الاخبار المهمه دايما ، موضوع الشقق الرخيصه له دلاله طبعا ، بس باين كده ان حكومة الخمارات قافشه ، و قالك مش تعدي المره دي ، نشوف بقى مين اللي أصيع حكومة الخمارات و لا احنا

     
  • At 8:02 PM, Blogger بنت القمر said…

    http://www.alwatanvoice.com/arabic/content-130781.html
    امشي مع المتعاص تتعاص!! يعني مش خمارات ولاحاجه
    بالنسبه للشقق تم توزيعها علي ضضباط القوات المسلحه فوق رتبه عميد بسعر 2000ج للمتر في حين السعر العادي 3800
    بشروط منها ان يكون المتقدم لم يحصل علي شقه بالقوات المسلحه و رتبته عميد او اكتر و وعلي خده الشمال حسنه
    كثير من الشروط التعجيزيه

     
  • At 7:44 AM, Blogger ربيع said…

    يا حاجه بنت القمر ، أصلا الشقه بتتباع بالقسط على 20 سنة بحد أقصى ، فلو كان المتر بتاعها بألفين جنيه هاتكون برضو رخيصه جدا

     
  • At 1:36 AM, Blogger بنت القمر said…

    يا حاج ربيع
    افهمني الله يخليك
    السعر للمتر للناس العادييين زي حضرتك ب3800 ج للمترماشي
    علي عشرين سنه او كاش زي ما تحب
    بنقوووول هو عامل تخفيض خاص
    معامله خاصه
    لفئه خاصه
    اللي هم ضباط القوات المسلحه اللي نخدوش شقق من الجيش ورتبه عميد او لواء ب2000 جنيه للمتر وكده اللي تبقا رخيصه
    يعني رخيصه للناس دول بس اللي تنطبق الشروط
    اي حد تاني لا
    يشتري بسعر السوق 3800 جنيه للمتر
    يعني مش بيرمي شققه لا للصحفيين ولا الحكومه زي الاخ احمد ما قال
    يعني احمد بهجت عشان كان ضابط سابق عامل دريم بارك نص تذكرة للضباط
    ما ينفعش اقول انه بيرمي تذاكر مدينه دريم بارك علي الناس او الحكومه او الصحفيين
    ده لفئه خاصه فقط
    مش كل من هب ودب وكذلك هطم السعرالالفين للفئه دي بس مش كل افراد
    الجيش المصري كمان وفاتحها سبيل

     
  • At 3:13 PM, Blogger FATMA said…

    على فكرة بأى هطم معملش حاجة اصلا و دا واضح جدا لو بصيت في عنيه مثلا
    الحكاية واضحة زي عين الشمس الست دا واحد من معجبنها معجبوش مشيها حزرها متحزرتش جتله حالة نفسية ام عمل كدا و اتبلى بأى على هطم و هطم اصلا بريء و الاخوة الخمارتين برده برءاء هي المشكلة في الراجل المختل عقليا دا وبس

     
  • At 5:44 PM, Blogger Lone Wolf said…

    هي علي 20 سنة بس بتدفع تلات اربع المبلغ في اول 3 سنين

     
Post a Comment
<< Home
 
 
عن شخصي المتعالي
مدونات
روابط
كتب
أخبار
Free Blogger Templates
© SprinG
eXTReMe Tracker