ازيك؟ و ازي العيال ، ان شاله تكونوا بخير و رمضان كريم بقى انا سمعت ان الراجل المكير المكين هايعين ست مقلوظة اسمها بالين لو بقى ريس ، و كمان سمعت ان الجماعة بتوعك _ الناخبين الامريكان العبط - ريلوا لما شافوها ، و قالك بس ، المكين هو اللي هايكسب و السبب المزة ، فأنا هاديك نصيحة من دماغ جبارة اللي هي دماغي ، انت لازم تختار واحد برضو جبارة ، تنقيها كده على الفرازة ، و تبقى ولية قادرة و مقتدرة ، تقف جنبك زي وقفة ام العيال كده ، و أنا شخصيا شايف انك ترشح الست جيانا بنت الحاج مايكلز ، اللي كان بيبيع تين شوكي تحت كوبري الجلاء، ست قوية و بميت راجل ، و متصيته و كل جماعتك عارفاها كويس ، أعلن للجماعة بتاعتك انك هاتشغلها معاك ، و الكرسي بتاعك و انا ضامنه ، أصل الناس هاتقلك ده لازمن و لابد هايلعب بديله معاها في البيت لبيض ، و أه بقى لو حد سجلك صوت و صورة ، و التسجيل يتسيح و انت عارف الباقي ده انت تبقى ملك ، انما المكين العجوز اللي رجله في القبر و لا هايلعب و لا هاينيل ، اسمع كلام أخوك ده أنا قديم ، و ربنا يديم المعروف اقعد بالعافية أخوك ربيع
ربيع يرشح احدى فاتنات الانترنت نائبة لباراك أوباما
النائب المعارض أرسل خطابا إلى المرشح الرئاسي ينصحه بتغيير نائبه ويشكو إليه من عزلته في سجن طرة