Friday, January 02, 2009
شيوخنا الأفاضل و مسألة غزة

اليوم ، و في خطبة الجمعة ، لام إمام جامع العزيز بالله الداعين الى التظاهر ، و لام المطالبين بفتح باب الجهاد ، كنت قريبا من الجامع فسمعت كلامه ، لم أسمع أسباب لومه لهم ، و لكني عندما دخلت للجامع الآخر حيث أصلي عادة ، فهمت الأسباب

فالإمام في الجامع الآخر الصغير ، ألقى باللوم علينا ، و أخبرنا أننا سبب ما يحدث في غزة ، بدأ بإعلان استسلامه ، و اعترافه بأن ما يحدث هناك يحدث بعلم من الله ، ثم ألقى بالملامة علينا لأننا لا نلتزم بديننا ، فنؤخر الصلاة ، و نشاهد التلفاز ، و نستمع الى المعازف ، و لهذا ، و لأننا عصاه ، فقد مكن الله اليهود من غزة

قال الإمام : رأيت شابا حزينا على ما يحدث للمسلمين في غزة – لو كانوا غير مسلمين فيولعوا بجاز وسخ – فسألته عن صلاة الفجر – تعرف ايه عن المنطق؟ - فأجابني أنه يصليها في الساعة السابعة صباحا – كويس انه ما سألنيش أنا – إنه يضيع صلاة الفجر ، يصحو متأخرا فيصيلها متأخرا ، أعلمتم إذن ما سبب بلاء المسلمين – مش محتاجة فكاكة – لأنكم غير ملتزمين ! ، و بدأ الشيخ في وصلة دعاء لغزة و أهلها ، لم أشارك السادة حولي الدعاء ، فأنا أتذكر جيدا عام 2003 ، حينما وحد المسلمون في مصر الدعاء على أمريكا لما فعلته بالعراق ، و وحد المسلمون في مصر الدعاء على جورج بوش ، و قد علمت و علمتم معي كيف استجاب الله و نصر العراقيين على بوش بحذاء منتظر الزيدي ، فالحمد لله و المنة

هذا وقد أبديت الإمتعاض و قلصت شفتاي عندما سمعته يدعو الله بأن يرسل على اليهود طيرا أبابيل ، ترميهم بحجارة من سجيل ، و لا تعليق مكتوب لي ، لأن ما سأقوله سيدخل تحت بند السب العلني

ثم فاجأني الإمام المحترم بتكرار الدعاء بعد القيام من ركوع الركعة الثانية ، و لما دعى الله أن يرسل لغزة جندا من السماء لنصرتهم و أن يرسل طيرا أبابيل على اليهود ، انحنيت لأبرم سجادتي و أرحل ، و لكني تذكرت كلام مدرسي ، حينما سألته : و إذا أخطأ الإمام أثناء الصلاة ، و أدركت أنا خطأه ، فماذا أفعل ، فقال قوله المأثور ، و الذي لم أنسه حتى الآن : لو فسى الإمام ، فسي وراه ، فتركت سجادتي على الأرض ، و أنا أتخيل الطير الأبابيل تمسك زلطا صغيرا ، ترميه على المدرعات الإسرائيلية ذات الدروع المقاومة للقذائف ، و ترميه على الخوذات الحديدية ، و ترميه على أسقف الخرسانة المسلحة ، و التي أعلم تماما تأثير الزلط الصغير عليها ، إذا ما اصطدم بها

سلم الإمام المبجل ، فسلمت خلفه ، و استخدمت سلاحه السحري مرة أخرى ، فدعوت عليه و على أبيه ، و على أمه ، و على أهله جميعا

posted by ربيع @ 1/02/2009 01:23:00 PM  
13 Comments:
  • At 2:27 PM, Blogger عباس العبد said…

    بقولك ايه يا ربيع
    بدل المشاكل اللى بتحصل فى المنطقة أنتم المسلمين السبب فيها
    ما تصلوا بقى و ريحونا , يعنى عاجبكو حال الأمة العربية أوى ؟
    و احنا المسيحيين الغلابة متاخدين فى الرجلين
    يعنى ربنا يبتليكم أنتم علشان ما بتصلوش و أحنا نروح فى وسطيكم
    مش حرام عليكم يعنى
    ما تصلوا بقى و تنقذونا شوية
    صلوا يا أخى , صلو
    و ابقى أصحى بدرى علشان صلاة الفجر يا سيدى
    بدل ما تاخدوا المسيحيين فى الرجلين كده
    مبهدلنا معاكو دنيا و أخرة
    حرام عليكم
    هههههههههههههه
    ===

     
  • At 2:31 PM, Blogger طه عبد المنعم said…

    أنا برضو بعانى من الشيوخ دول
    بس

    من الطبيعى والمنطقى أن الخطاب دا يبقى فى زاوية ولا مسجد فى العشوائيات
    أقصد لناس مستواهم يبقل بفكره الفسا ورا الامام

    لكن الغريب أن جامع كبير ولية موقع على الانترنت
    بيقول الكلام دا
    هل هو متصور مثلا أنه يوجهه خطابة لناس تدون الى بيقولوا على النت وتصدقه... فية خلل جامد
    لو مش فى الكدب
    يبقى فى اللى بيكدبوا

     
  • At 2:33 PM, Blogger طه عبد المنعم said…

    حلوة فكره أننا
    مبهدلين المسحيين دنيا وآخرة

    ههههههههههههه

     
  • At 3:55 PM, Blogger ربيع said…

    استاذ عباس ، تصدق لو حد منهمقرا كلامك ده ممكن يبطل يصلي خالص عشان ربنا يخسف بالمسيحيين الأرض!!!

    طه
    بس انا اتفشخت ضحك لما لقيت له موقع على النت

     
  • At 4:12 PM, Blogger GEMYHOoOD said…

    انا نازل من البيت الساعة 3 و نص لقيت شيخ بيدعى فى الجامع اللى قدام قسم الازبكية و بيعيط و أمن الدولة وقفاله و كان وضع غريب و كانت نوعية الادعية برضو من عينة الطير الأبابيل

     
  • At 4:25 PM, Blogger أحمد said…

    لا تحزن يا طه أن الله معنا
    :)

     
  • At 4:27 PM, Blogger أحمد said…

    فيه كمان تأثير صواريخ القسام اللى بتقع في سطح العمارة الاسرائيلي بتكسر بلاط السطح بس
    أنا شايف انه مه الطير الابابيل من اقوى الاسلحة الاسلامية

    كمان فيه سؤال ولغز محير
    الاخوة في ماليزيا كانوا عاملين حاجة غريبة جدا
    عاملين مظاهرة عبارة عن أنهم بيجروا بسرعة حوالين جبل ما
    هل لديك تفسير لهذا الأمر ؟

     
  • At 5:46 PM, Blogger SOLITUDE® said…

    نفس الخطبة عندنا
    والله كنت هكتب نفس الموضوع
    أصلا من الناحية الدينية كلامه ملوش أي أساس من الصحة، بل هو قمة التخلف والغباء

    امال لو سمعت محمد حسين يعقوب قال ايه هتعمل ايه يا ربيع بيه؟؟
    :D

    ربنا مبتلينا بشوية حكام ومشايخ يبضنوا

     
  • At 8:25 PM, Blogger ربيع said…

    فيه جبال كتير في ماليزيا يا أحمد ، و كل جبل له طوفة ، و كل طوفة ليها تفسير ، حدد اسم الجبل و ممكن أساعدك

    صوليتود
    مابلاش ده بالذات

     
  • At 2:44 PM, Blogger محمد الكومي said…

    احا و لما انت كنت جنب الجامع مادخلتش تصلي ليه يا زنديق

     
  • At 12:12 PM, Blogger محمد الكومي said…

    انا ماقريش السطر الاخير لما كنت بعلق

    عامتن

    حصل خير

    ابقى صلي في حتة احسن

     
  • At 2:32 PM, Anonymous جابري said…

    كلامه منطقي على فكرة. يعني الصلاة عماد الدين، وعماد الدين بقى زحمة نيك

     
  • At 11:54 PM, Blogger moddar said…

    لي مدونة أظن انها تستحق القراءة وهي تتحدث عن محاولة تسميمي وقتلي من قبل السي آي أيه وبأوامر من الشاذ كلنتون بمشاركة فاعلة من الحمار حسني الخفيف والأجهزة الأمنية المصرية الخائرة والعميلة
    المدونة
    http://www.494949.blogsome.com
    اسم المدونة
    Dirty and fucked clinton

     
Post a Comment
<< Home
 
 
عن شخصي المتعالي
مدونات
روابط
كتب
أخبار
Free Blogger Templates
© SprinG
eXTReMe Tracker