Monday, April 20, 2009
صديقي الكردي السني

عزيزي الكردي السني

كل عام و أنت بخير ، اليوم عيد المصريين ، نأكل الفسيخ و البصل و البيض الملون ، و نقرأ دعوات نبذ العيد بابتسامة ، و نبدي رأينا في الدعاة فنقول أن نياتهم صافية ، و لكن الفسيخ أغلب . عزيزي .. أحدثك من مقام الوطن ، في مقام غربتك ، في دوباي مدينة الحديد و الأسمنت ، الإسمنت ، الاسمنت – مش عارف أنهي صح - ، أدهشتني حقا حينما شكوت لي مرارة عيشك ، ثم قلت لي أنك كردي سني ، و قد حسبتك من قبل عراقي ، هارب من أيام بلده الحارة ذات الشظايا المتطايرة ، فهمت أخيرا أنك أقلية الأقلية ، بهائي زملكاوي ، أو مسيحي كاتوليكي منوفي ، كفانا الله و القارئين شرهم ، عزيزي .. لا تحزن ، فكلنا أقلية ، ذوو الكروش أقلية وسط مسطحي البطن ، و مهذبو الشوارب أقلية وسطية ، بين الحافين و بين أؤلئك المطلقينه على العنان ، أخي .. لا تحزن.

أخبرتني أنك بصدد التغرب ، و هل هناك غربة بعد مقامك هذا؟ بلد تملأ فراغ البحر و الصحراء من خلفها واسعة؟ ، أتذهب الى ماليزيا حيث يأكلون الدوريان؟ ممممم ، إذن فهي القارة العتيقة ، ذات التاريخ الممل و الدروب الوعرة و الجبال المسلسلة بلا نهاية ، قارة الفرنجة و الروم ، أذاهب أنت الى السويد ؟ ، حسبما خبرتكم معشر العراقيين تحبون السويد ، و كأنها وطنكم الثاني ، ربما ذكركم بردها بحر العراق ، أو خضرة أرضها برمال صحاريه ، و ربما نظافة أسفلت الشوارع بالتراب المتراكم دوما في البصرة ، لا أفهم ، و لكن لكل عشقه و لا دخل لي في عشقكم.

عزيزي .. أراك لم يزدد علمك بعدما بقيت في دوباي ، ألا تراهم ؟ أقلية وسط أقليات؟ أصحاب البلد و هم أقلية ، وسط أقليات هندية و باكستانية و بنغالية ، و هناك لبنانيين يا خيي ، و مصريون يمشي الواحد منهم حافيا ليوفر ثمن المداس ، و فلبينيون يصيدون كلاب الشوارع ، يأكلونها ، يشوونها مع كميات هائلة من البصل ، ضعفي وزن الكلب بصل ، فلا أرخص من الكلاب في دوباي ، و الأغلى منهم قليلا ، البصل.

أكلت فسيخك؟ أنت تعلم ، لكل منا فسيخ ، فسيخ الصينيين و الماليزيين الدوريان ، و فسيخ الفلبينيين الكلاب المبصلة ، أو البصل المكلب كلاهما فسيخ ، أكلت فسيخك؟ أتذكر آخر مرة تذوقت طعمه الموسمي؟ أتذكر آخر مرة سخر منك المحيطين ، حينما خبروا أو شموا او تذوقوا فسيخك؟ ، أتذكر أنت فسيخك؟ تذكر هيئته و شكله و كيف تبتاعه و كيف تجادل البائع في ثمنه و كيف تختار أطيبه؟ أتذكر ترك لسانك لسقف حلقك بصحوبا بصوت طق محبب لأذنك ، مضاعفا لذة الطعم للحظة وجيزة ؟ أتذكر نومك الهانيء بعد ملء بطنك بفسيخك؟ أحسبك تذكر ، و أحسبك تنزل يوما ما باحثا عن فسيخك في دوباي ، مدينة الحديد و المحمول و الصحراء الواسعة و البحر المردوم.

عزيزي .. ألم تتعلم منهم شيئا؟ ألا تخلق للأقليات دولة صغيرة؟ اذهب و اردم بحر الشمال ، أو اردم نقطة بعيدة في المحيط الهادي ، و أعلنها دولة الأقليات ، كل يأتي و معه فسيخه ، ساعتها لن ينتقدك أحد ، و لن يتأفف من رائحة فسيخي مخلوق ، و لن تتعجب عندما تجد دودة في تيكيلة المكسيكي ، فكلنا أقلية ، و لكل من فسيخه.

عزيزي .. من الله عليك بفسيخك ، و أسعدك به.

شرح التدوينة :

التدوينة دي موش اشتغالة ، الشرح ده للأغبيا و القماصين و اللي مايعرفونيش ، لو سمحتوا ما تردوش و لا تاخدوا مواقف بدون قراءة الشرح ، غباءكو هايمنعكوا من التفكير الصحيح ، كمان الشرح ده ممكن يساعدكو على الفهم ، ركز و انت بتقرا و ابتعد عن أي نوع من انواع الالهاء ، اسف الهاء دي كلمة صعبة ، أقصد يعني اقفل التلفزيون أو الكاسيت و ماتتكلمش مع حد ، لزوم التركيز

دي تدوينة حقيقية و مش اشتغالة، أنا بأأكد مرة تالته دي تدوينة حقيقية و مش اشتغالة ، لان الاشتغالة لازم تكون سمجة ، كوميدية ، تخيل على الأغبيا اللي زيك ، و الغرض منها اقناع الأغبيا اللي زيك بصحتها ، و الأهم من كده ، و لأن انت غبي ، هاتقمص و هاتقفش و تزعل و تخبط برجليك في الأرض لما تعرف انها اشتغاله و انها دخلت عليك ، تنويه للمرة الرابعة ، دي مش اشتغالة

عيد المصريين : شم النسيم

الفسيخ : سمك من نوع بوري يضاف عليه كمبات كبيره من الملح ، يأكل عادة في شم النسيم ، خلال التدوينة ، الفسيخ سيكون له معنى آخر ، ده صعب أشرحهولك ، غباءك حاجز منيع

دوباي : دبي ، اللي هي أحد الإمارات العربية المتحدة ، و هي ليست بلد عربي ، كتبتها بالطريقة الغريبة دي ، اللي خلتك تعتقد اني غلطان ، عشان أترق على الطريقة اللي الأمريكان بينطقو الكلمة بيها

الأسمنت ، الإسمنت ، الاسمنت : حيرة بالغة مني ، مش عارف همزة الألف أحطها فين بالظبط ، الهمزة دي اللي انت ماتعرفش عنها حاجه ، و ده مقبول تماما لان فيه ناس أذكى منك بكتير بيهملوها ، باين ان الدرس ده ماتشرحش خالص في المدرسة ، الحيرة هنا لان الكلمة أصلها انجليزي و مش متأكد ازاي أحولها

ماليزيا : دي بقى بلد

الفلبين : بلد برضو

المنوفية : الأرض الطاهرة

كاتوليك : دي صعبة جدا

بهائي : أصعب و أصعب

كردي : أنا آسف ، مش هاكتب كلمات بالصعوبة دي بعد كده

تيكيلة : خمرة و العياذ بالله

تنويه أخير ، هذه التدوينة مش اشتغالة

posted by ربيع @ 4/20/2009 09:00:00 AM  
15 Comments:
  • At 10:01 AM, Blogger mohamed hassan said…

    تالت مرة تكتب على الاشتغالة
    الظاهر انك دخلت جوا الاشتغالة و مش هتطلع منها
    ما تردش على حد عشان كدة انتا هتبتدي تشتغل نفسك؟
    يا ريس اكتب و خلاص احنا كنا فرحانين بابداعكوا
    بوظت المقال بالشرح الغريب لناس في نظرك ما تستاهلش
    الواد جابري لعبها اصح شوية بعدم اهتمامه
    انتا كمان استاذ فبلاش تبوظ الطبخة

     
  • At 10:34 AM, Blogger ربيع said…

    أنا باخالفك في الرأي بشدة
    الأغبيا و القماصين و الحشريين موجودين في المجتمع ، و لازم نتعامل معاهم ، و واجب قومي علينا نساعدهم على تجاوز غباؤهم ، و اظهار الاشتغالة من اللي مش اشتغالة ، عار عليك يا فتى اهمال الأغبيا و القماصين و الحشريين

     
  • At 1:49 PM, Anonymous Anonymous said…

    هو انت ازاى مستحمل نفسك كدا وانت بضان كدا؟

    احا عليك يعنى

    انت فعلا خليتنى اكره المدونات كلها بسبب كلامك البضان اللى نابع من انسان ابضن

     
  • At 2:08 PM, Blogger ربيع said…

    طيب بما انك اتبضنت ، يا ريت تريح نفسك و تريحني معاك و تبطل تقرا المدونة البضان بتاعتي ، عشان ماضطرش أشرحلك بغباءك كل كلمة باكتبها

     
  • At 2:42 PM, Blogger Azza Moghazy said…

    عزيزى الانونيموس الجبان الذى لا يكتب اسمه ابدا

    انت حيوان

     
  • At 5:51 PM, Blogger Unknown said…

    ياربيع
    بطَّل تشتغل الناس، وتقولهم إن دي مش اشتغالة. إنت أصلا بتاع اشتغالات واشتغلتهم قبل كده، لما عملت الحوار بتاعك مع جابري
    وفي الاخر جاي تكتب انت وهو انكم كنتوا بتشتغلوهم، وتتصوروا وفي عيونكم باين مكر؟؟؟
    أحه يعني.. الناس ماينفعش تصدق إن حد اشتغلهم.. وفي نفس الوقت الناس استحالة تصدق إن البوست ده مش اشتغالة

    أنا مش عاوز أقول إنت كنت بتشتغل الناس ازاي لما كنا أصحاب من سبع سنين

    ابعد عن الشر، وغنيله

    وغنيله

    وغنيله

     
  • At 2:47 AM, Anonymous Anonymous said…

    This comment has been removed by a blog administrator.

     
  • At 3:11 AM, Blogger Azza Moghazy said…

    ربيع يا ريت تعمل موديريشن عشان الكائنات الغبية عديمة التربية دى

    مش فاهمة ايه الاصرار على الخنق وجر الشكل ده

     
  • At 9:24 AM, Anonymous Anonymous said…

    أنا آسف يا ربيع اني شتمتك انت و مراتك ، الكلام ده حصل لاني كنت كل يوم اشرب لحد ما أسكر طينة و افتكر حاجات معينة حصلتلي ، و اقرا الكلام بتاعكو فاتنرفز و اشتمكوا

     
  • At 10:50 AM, Anonymous Anonymous said…

    متتعبش نفسك ياربيع و تقول ده مش اشتغاله ! عموما انت فقدت مصدقيتك
    مش فارقة كتير يعني

     
  • At 2:35 PM, Blogger TAFATEFO said…

    off the record

    اعذرني مره تانية للحشرية .. بس تأكيدك للمرة التانية على معنى الاشتغالة ده أمر بضين فعلاً (ألأولى كانت لذيذة) ومهين لكثير من الناس

    أنا مش أنونيمس اللي بيدخل يشتم .. وآسف للحشرية مرة تانية

     
  • At 3:59 PM, Anonymous Anonymous said…

    كس ام هذا الشرح لمن ؟ للشرموطات ؟

     
  • At 4:05 PM, Blogger ربيع said…

    ده طلع فيه كذا مجهول!!! غريبة دي
    لا اعتذارك غير مقبول
    بس انا مصر ان دي مش اشتغاله ، و بعدين مصداقية ايه ، هو انا جرنان؟
    تفاتيفو : و انا اتعمد أهين البعض دول
    أيوه كس ام الشرح ده للشرموطات ، نعمل ايه يا شقيق ، فيه شرموطات كتير بيقروا الكلام ده

     
  • At 11:40 PM, Blogger moe said…

    يا استاذ ربيع في اشاعة ماشية في البلد بتقول انك افلست فنيا و بقيت تلجا للجعجعة و الصوت العالي
    ما رأيك!؟

     
  • At 7:18 AM, Blogger ربيع said…

    لون ولف
    ان في الصمت لاشتغال

     
Post a Comment
<< Home
 
 
عن شخصي المتعالي
مدونات
روابط
كتب
أخبار
Free Blogger Templates
© SprinG
eXTReMe Tracker