Thursday, April 30, 2009
الهولوكوست الحلاليفي

أحد السياسات المهمة التي تتبعها حكومتنا لمعالجة الازمات ، سياسة "طنشه و بعدين أظرفه" ، و السياسة تقوم على مبدأ منع او تحريم فعل ما بواسطة القانون ، مع اهمال تطبيق هذا القانون ، و غض الطرف عن مخالفته ، و عدم نصح الناس في حال الاستمرار في المخالفة ، الى أن يأتي يوم نسمع فيه عن كارثة ، لتبدأ الحكومة في لوم الناس ، و إظهار أنهم همج لا يحترمون القانون الفلاني ، حتى و لم تكن للكارثة علاقة بالقانون ، و قد تبالغ الحكومة في غلاستها فتلقى بالملامة على الناس و لا تحرك ساكناا لتطبيق القانون المهمل ، و قد تتصرف بجدية و تبدأ بتطبيق القانون بصرامة العسكر ، و لكن بالطبع بعد فوات الأوان.

قرأت عن قرارات الحكومة التي اتخذتها لنقل مزارع الخنازير الى مدينة 15 مايو ، و التي لم تطبق قط ، ربما لتكاسلها المعتاد أو بسبب بلطجة المربين أو فقرهم ، قرأت أيضا عن الإعدام الجماعي للخنازير و الذي تبدأ الحكومة بصرامة في تطبيقه اليوم ، و كأنها تعلن كعادتها قرفها من هذا الشعب المتخلف الجاهل ، و ضحكت كثيرا عندما علمت أن المسالخ ستبدأ في ذبح الخنازير و تخزين لحومها في ثلاجاتها ، و كان لزاما علي أن أفكر فيما بعد تلك المرحلة

فأنا لا أفهم كيف سيثق المسلمون منا في السلخانة التي قامت بذبح مئات و ربما آلاف الخنازير ، ألن تتلوث لحوم البهائم الأخرى بدماء الخنازير؟ هل ستكون اللحوم حلالا ؟ ثم كيف تأكدت المسالخ من ان الخنازير الموجودة في مصر لا تحمل الفيرس؟ أليس من الوراد أن الفيرس قد تطور فعلا بسبب البيئة المحيطة بالخنازير (كما تعلن الحكومة عبر الإعلام الآن) ؟ .

أتساءل أين ستذهب كميات اللحوم الضخمة ؟ هل سيتم تحويلها الى مورتديلا ؟ هل سيتم تصديرها في هذه الظروف السوداء؟

أتساءل ، و هو السؤال الذي يؤرقني كثيرا ، فنحن نعتمد على الخنازير في اعادة تدوير نفاياتنا العضوية ، ما مصير بقايا الطعام و ما الى ذلك ، ما مصير نفاياتنا العضوية اليومية؟

أتساءل ، هل سيمتنع الزبالون – و لهم مني بالغ الاحترام و كامل التعاطف – عن نقل "زبالتنا" و فرزها الى ورق و بلاستيك و مواد عضوية ؟ هل سيعتصمون لتبقى زبالتنا مكومة أمام مداخل بيوتنا؟ و لا أظن أنهم مخطؤون إن فعلوا ذلك

أخيرا ، إذا وصل الخطر الى مرحلته السادسة ، اذا انتقلت العدوى بين البشر و بعضهم ، هل ستتحرك الحكومة و تبدأ في إعدام المصابين؟

أخيرا ، خبر من الشروق يؤكد المؤامرة المسيحية الكاثوليكية لنصرة الخنازير

posted by ربيع @ 4/30/2009 03:37:00 PM  
12 Comments:
  • At 4:01 PM, Blogger عزة مغازى said…

    خبر بكرة فى روزا اليوسف :
    دليل جديد عغلى تآمرهم على صالح الوطن
    مدون مصرى يدعو جامعى القمامة للاضراب عن العمل اعتراضا على ذبح خنازيرهم

     
  • At 6:29 PM, Blogger TAFATEFO said…

    الجريد الرابع هو اللي معناه ان الفيروس ينتقل بين البشر

    واحنا وصلنا ده وعديناه .. وبقينا في المرحله الخامسه اللي احنا فيها معناها ان في انتقال عدوى مثبت بين البشر في منطقتين مختلفتين تبع تقسيم الـ دبليو اتش أو

    وبعدين ذبح الخنازير (المش مبرر - واللي مش فاهم طالما الحكومة تعاملت معاه على انها خطر عظيم ليه خلت الذبح يوم السبت .. ما يبقى خير البر عاجله بس ده المتوقع من الجهل الحكومي .. بتتصرف على طريقة احنا لازم نعملنا منظر ونتفاعل مع الأزمة .. ندبح الخنازير) مش هيأثر على حساة الناس بالسلب .. بالعكس .. دا حضرتك بكره هتلاقي كيلو اللحم المفروم بـ 5 جنيه .. ووهتلاقي كميات وأنواع برجر وبلوبيف كفته في السوق مشوفتهاش طول حياتك

    اصبر .. كل مصري هينوله من الحب جانب كبيييييييييييييييير

    وبعدين انتوا ليه فاكرين ان الخنازير هي اللي بتاكل من الزباله .. في آلاف من جنس غير خنزيري يحملون بطاقات هوية (بعضهم) وبياكلوا من نفس الحاجه

     
  • At 7:00 PM, Blogger ربيع said…

    شوف ، انا صوتي انبح انهارده و انا باقنع الناس بالموضوع ده ، ان اللحمة هاترخص ، قرف الناس من اللحمة المدبوحة في السلخانات سبب ، و سبب تاني تسرب لحوم الخنازير المدبوحة ، و مش فاهم ام الحس الوطني اللي انفجر عند الناس ، و شايفين ان ده لا ممكن يحصل أبدا

     
  • At 11:25 PM, Blogger أحمد said…

    المشكلة ان الانفلونزا هتنتقل للمسيحين فقط، فاهم
    يعنى من الخنزير للمسيحين وبالتالى يموتوا ونخلص منهم
    فهمت التيته
    لكن المسلمين في السليم، لذلك لا اعتقد ان الموضوع ليس مقلق بالنسبة لنا كمسلمين اما نحن الملحدين فاللحمه هترخص، ولحمة الخنزير هتبقي زى الفل واحنا كملحدين هنعيش

     
  • At 2:22 AM, Blogger Bella said…

    ايها المحرض الكبير

    هههههههه

    صراحة كل ماافتكر الطريقة السقيمة اللى عالجوا بيها انفلونزا الطيور وناويين يكرروها بعينها وحذافيرها وغباوتها في انفلونزا الخنازير اقول اننا فعلا لانستحق اذكى من هذه الكائنات لاننا قبلنا من البداية بحكمهم وتحكمهم فينا

    وكل وباء وانتم بخير

     
  • At 3:34 AM, Blogger عباس العبد said…

    ربيع باشا
    سلخانات الخنازير يا برنس غير سلخانات اللحوم العادية و بالتالى لا قلق على الأخوة المسلمين و ربنا أمر بالستر و خللى الطابق مستور .. انت ما قرتش اليوم السابع ولا إيه ؟
    بيقولك ان اللانشون و البولوبيف الرخيص أصلهم من لحم الخنزير , يعنى انتم بتاكلوهم من الأول و لا انتم حتتلككوا دلوقتى ؟
    ===
    أحمد باشا
    مين قالك انكم كملحدين حتبقوا فى الأمان ؟
    حنجيبك حنجيبك .. انت بالذات انا عارفك و حجيبك و حتبقى نهايتك فى حتة جونبون

     
  • At 6:08 AM, Blogger TAFATEFO said…

    هو موضوع قرف الناس من السلخانات ده عجيب شويه .. لكن بالنسبه للتسريب .. دول احتمال يسربولها لحم بقري

    ماهو بالعقل .. على الأقل مليون راس في 100 كيلو على الأقل .. يعني 100 ألف طن .. تلاجات ايه اللي هتشيل .. ولما تتخزن هتتباع امتى ولمين؟؟ السياح هياكلوا 100 ألف طن؟؟ طب والناس الغلابه اللي عايزه تاكل وتشبع .. عايزنا نبدي السياح عليهم ؟؟ يا عالم اتقوا الله .. ده اللي ملوش خير في ناسه ملوش خير في حد .. خلي الغلبان يتقوت وأهو كله بثوابه

    الجميل بقى موضوع النص مليار تعويضات ده .. ومش فاهمه .. طب هيتدبحوا ويتخزنوا .. تعويضات ليه؟؟ ولا الحكومه هتاخد اللحمه دي؟؟

    لو الحكومه أخدت اللحمه دي .. يبقى أبشر .. مش هنستورد لحمه من أثيوبيا العيد اللي جاي

     
  • At 9:11 AM, Blogger ربيع said…

    اتفضل يا سيد عباس
    http://www.almasry-alyoum.com/article2.aspx?ArticleID=209254&IssueID=1392

     
  • At 9:15 AM, Blogger ربيع said…

    و اعتراف صريح من وزارة الصحة بانها بتتلكك
    http://www.almasry-alyoum.com/article2.aspx?ArticleID=209258

     
  • At 2:44 PM, Blogger TAFATEFO said…

    السيد الفاضل ربيع .. من لنكات حضرتك تتضح الرؤيا .. وتستطيع أن تعلن بكل أريحية (زي ما بيقول معلق رخم كده) .. أيها الناس .. الغلابه هتشبع

    وفى حالة الذبح فسيكون صاحبها مسؤولاً عن ترويج اللحوم الناتجة عنها.

    لافتاً إلى وجود مشكلة حقيقية ستواجه تنفيذ القرار متمثلة فى عدم وجود ثلاجات تكفى الكميات المتوقع ذبحها.

    فيما حذر الدكتور ممدوح محمد، مدير المجزر، من أن الدولة ستواجه أزمة فى نقص أعداد الثلاجات، وعجز المتوافر منها عن استيعاب المذبوح.

     
  • At 7:57 PM, Anonymous حميد الصباحى said…

    تستطيع ان تطرح الموضوع للحوار كما فعلت ولكن لا يجب اقحام الدين لأنك حينما ذكرت الحلال والحرام من وجهة الإسلام فقد اصبت بالغبن المسيحى واليهودى وغيرهم لأنك جعلت الإسلام هو الدين دون سواه فى الوطن وهذا يخالف المادة الأولى من الدستور الداعية الى المواطنة وفرزت بينهم بالدين وهذا يطعن المواطنة ويمزق الوطن - تابع الفكرة فى مدونتى - دمتم بخير . حميدالصباحى SABBAHI.BLOGSPOT.COM

     
  • At 9:43 PM, Blogger moddar said…

    لي مدونة أظن انها تستحق القراءة _ وهي تتحدث عن تسميمي ومحاولة قتلي من قبل السي آي أيه وبأوامر من الشاذ كلنتون وبمشاركة الحمار حسني الخفيف والأجهزة الأمنية المصرية العميلة
    المدونة
    http://www.494949.blogsome.com

    أو
    http://moddaralzoubi.maktoob.com

    اسم المدونة
    Dirty and fucked clinton

    الأسم/مضر حلمي عبد الكريم الزعبي
    الجنسية /عراقي من أصل فلسطيني ومن أم عراقية
    التحصيل العلمي/بكلورويوس فنون جميلة جامعة بغداد 2005
    الإقامة ومحل وتاريخ الميلاد/بغداد_1973

     
Post a Comment
<< Home
 
 
عن شخصي المتعالي
مدونات
روابط
كتب
أخبار
Free Blogger Templates
© SprinG
eXTReMe Tracker