انت ليه حطيت وزارة المسيحيين قبل وزارة المسلمين

بتجندل لهم من دلوقتي عشان ماحدش فيهم يفقع مهاميز

خللي الجندلة تنفعك

و بعدين احنا بنطالب بعشر وزارات على اقل تقدير لاسكندرية والاسكندرانية و يكون شمعون و انا لينا فيها النص عالاقل

والا شعب الاسكندرية لن يدعم هذه الوزارة و نخربهالك من اولها

اه ولازم الريس يكون من عندنا

عشان يكون هواه خفيف و يطير وزارة الرخامة بوزيرها
الرخم
((:

 

انا ليه فى المطافى

على اساس انى بطرطر كتير ؟

 

ماليش دعوة انا عايز وزارة الرخامة

و دى ترخم على الشعب كحل بديل عن التعذيب

 

بعينك يا كومي
المطافي عشان انت راجل هادي و رزين و مش بتشعلل الامور و بتهديها يا جيمي

 

شرعا لا تجوز ....باطله دي مافيهاش ولا منوفي

 

إختيارات موفقه نيييييك
وياعيني على ناجي في منصب شيخ الأزهر
بجد بجد بجد يبقى أجمد حاجه في الدنيا
وبعدين انا مليش منصب في الليله دي والا ايه
خلاص آخد حقي ناشف

 

وزير التجارة : يساري مصري ، هايستأصل جيوبنا

 

تشكيل باطل جدا طبعا

فين وزارتي ياسي ربيع؟؟

ازاي تبقى رجعي وعايز تشكل وزارة مافيهاش غير اتنين ستات بس؟؟

اعترض

عايز وزارة مخصوصة وتكون حلوة كده ونعرف نعكنن فيها على خلق الله

عايزين نطلع الشحنات السلبية

ح اعتبر دي غلطة غير مقصودة منك وفي انتظار تصحيحها

هه بس

 

انا يا بيلا هانم احترت في اختيار وزارة ليكي ، فشوفي انتي عايزه وزارة ايه ، و مافيش مانع طبعا انك تقترحي وزارة جديدة انا مانعديش أي مانع أزود الوزارات

 

احم

اختار وزارة على مزاجي

مممممم

ولو اني كنت عايزة وزارة التعليم علشان باقي حتة صغيرة في التعليم في مصر ماخربتش وكنت عايزة اخربها

بس انت بقى اديت الوزارة لاحمد

فمش ح نقطع على بعض يعني

بلاها وزارة التعليم

ح استحدث وزارة جديدة

وزارة الاحلام

دي بقى مهمتها تغرق المواطن في الاحلام وتخليه يحلم ويحلم ويحلم وماعملش اي حاجة في حياته غير انه يحلم وبس

وطبعا مش ح يبقى عنده وقت يعترض ولا يتهبب على عينه بقى ماكله متوفر في الاحلام

بس كده سعادتك

 

اسفين

التشكيل الوزاري ده باطل علشان مفيهوش إلا متخلف واحد (عارف نفسه) .. والمفروض التشكيل الوزاري يبقى فيه على الأقل 8 معاتيه

 

ايه ، لا معلش ، انت كده بتغلط جامد ، وصف واحد بس بالتخلف ده كلام لن أسامح عليه ، و لن يسمح به أي من الوزراء المحترمين ، لو سمحت اسحب تعليقك ده
و بعدين يا أخي ، ماهو ممكن وزير الداخلية يعتلقلك لما نحلف اليمين يوم الخميس ، مش خايف؟

 

الحقيقة اننى ومن موقعى الجديد اعلن عن رضائى التام عم اختيارات السيد رئيس المجلس الوزارى ربيع المعمد بلقب افندينا

وليس ابلغ عن عمق رؤيته من اختياره لى كوزيرة للتمثيل المشرف حيث اكون الوزيرة الوحيد المتصالح مع ذاته باعتباره يعمل فى وزارة لا تفعل شيئا ولا تدعى انها تفعل اى شئ كما يدعى زملائى من وزراء الوزارات الاخرى

وحيث اننى الوزير الوحيد الذى لا يستاء من اعلان انه يهلب بينما يؤنتخ وليس على فى ذلك حرج

مصر بكرة احلى بينا
اشوفكم يوم الخميس
اموووووووووووه

 

لا و النبي هاعيط و اخد وزارة

و النبي يا عم اديني وزارة


باقولك عايزين بقى وزارة للحشيش ووزارة للخمور ووزارة لتدابير ال

ولا اقولك

اعمل وزارة و سميها وزارة المزاج

و دي اكبر ميزة ليها انها هتفشخ الناس في افكارهم و هما مبسوطين و منشكحين

عبده مشتاق مازال يرقب الموقف

:))

 

لا يا أخي ، احنا حكومة رأسمالية ، هانبيع توكيل الحشيش للي عايز ، و هانعمل حشيش مضروب للغلابة ، هانفركه على الدقيق و نعمل منه رغيف مسلطن كده لزوم المزاج

 

بتاع ايه أصلاً يعتقلني؟؟ مع ان مش وزير الداخلية في وزارتك هو المقصود بـ متخلف .. وحضرتك عارف ان المتخلف عارف نفسه كويس .. فمتتحشرش بقى وتعمل برم

اسفين مره تانيه

 

هو باين انك مبقوق أوي من المتخلف اللي في الوزارة ، ده مايمنعش ان وزير الداخلية هو المخول بقوة القانون للقبض عليك ، و القانون هنا بيمنعك من وصف أحد الساده الوزراء بأوصاف مثل الذكاء و الابداع و الألمعية و الحاجات اللي تسم البدن دي ، و اهلا و سهلا بيكم ، مصر نبنيها باديكم

 

سيدي الرئيس أشكركم على ثقتكم الغالية فيا

أنا وباعتباري وزير الإخوة المِسيحيين فأول قرار ليا بعد ما هقول "سدقني" هو إعدام جميع الإخوة المِسيحيين ثم جميع الإخوة المسلمين ... كمساهمة مبدئية منا في القضاء على الفتنة الطائفية

 

انا مش رئيس ، انت هاتوديني في داهية؟ انا منسق حضاري
و بعدين لما انت تقتل المسيحيين و المسلمين ، حسن الهلالي هايعمل ايه؟

 

برضه ولو لا وزارة لغير المنوفي وبعدين فين وزير الثأفه ....اومال مين اللي هايحدد انسب الاقات للخطيئه ؟؟؟

 

ابتديت اقتنع يا ربيع .. و خصوصا فيما يتعلق بأمور الهدوء و الرزانة و عدم الميل لشعللة الامور

خلاص لما احب اطلع ديك حد هاشخ عليه بما انى متعدة توريد المياة بخراطيم المطافى

 

وزير الثقافة ده ممكن يبقى ياسر عبد القوي ، عشان يحبس المثقفين و يخلصنا منهم

 

احمد ناجي وزارة التعليم أشطة هيتوزع علينا حشيش في المدرجات دة غير قزازة البيرة قبل ما تخرج للفوسحة