صديقي الإسكندراني سألني منذ قليل: يجب أن يكون هناك قدر من الجدية، هل يمكن تصور شوبنهور ضاحكا؟ تورنجيف مهرجا؟ دوستوفيسكيس كوميديا؟ أما عن شوبنهورز فهو موسيقي شهير، و أعلن من منبره أن الموسيقى أم الفنون، و أنها بتاع مستقل بذاته. و من الآخر أم النحت و الرسم و المعمار و الأدب، دول حاجات مالهاش لازمة أساسا. الموسيقى أم الفنون. و بالتالي فهو ممكن يزغزغ العازفين في الأوركسترا عشان يبقى الموضوع كوميدي. طورنجيف كان موسيقي تاني، بس مرعب، كان بيحط ناس وسط الأوركسترا تعمل هاهاهاها، عشان الناس تضحك و يقولوا عليه مهرج. طورنجيف كانت حواجبه تقيلة اوي، و قعد شعر حواجبه يطول، لحد ما غطى علي عينيه و دخل في شعر دقنه، بس شعر دقنه كان ناعم فماحصلش مشكل كبير، و بطل يعمل مزيكا و ابتدى يكتب مسرح. دوستوفيسكيس كان مسرحي جبار، مخرج و مهندس ديكور. و كان دايما يخلي الحوارات طوييييلة، طويييييلة - مش لاقي رابط- و الأحداث مسرحية مسرحية، و التمثيل مسرحي جدا، و لازم يكون فيه شيطان في المسرحية، و لازم يكون في النهاية فيه عبرة، و لازم يكون فيه واحد بيتسجن عشان السجن تهزيب و اسلاح. و من كتر ما النص كان طويل، الناس كانت بتنسى النص من كتر طوله، فعشان كده عملوا الكمبوشة. عشان يملوا الممثلين. و طبعا لإنه مسرحي و حواراته مسرحية، و بما انو المسرح كوميدي، لانه اسمه الكوميدي فرانسيز، يبقى في النهاية الراجل دوستوفيسكيس ده كوميدي. و قد كنا نضرب المثل بهؤلاء الموسيقيين العظام، أصبحنا اليوم نضرب الأمثال بالمنجدين، لأنهم أكثر كسبا من الموسيقيين العظام الكثير من الجدية مضر بالقلب. و اضحك، الصورة تطلع أحلى. |